Varvanera

Varvanera è forze 'o pirata cchiù famuso ca s'allicurde, ma ô cuntrario d''e numeruse stereotipe ca dint''o cuorso d''e siecule sonno state custruite attuorno â fiura soja, nun fuje 'o cchiù crudele e 'o cchiù viulento pirata d''o tiempo sujo, preferenno cchiuttosto 'a uerra psiculoggeca a ll'auso d''a viulenza. Ll'attiento sujo e ddelebberato auso d''o terrore, pure tramite 'a mmàggene soja, cuntribuette a ffà nascere 'mmeno 'e dduje anne na leggenna ca fosse durata pe ssiecule

'E sturice haveno assaje descutette ncoppa quale fosse 'o cugnome vero d''o pirata: fosse Teach secunno 'a maggior parte, ma v'è chi sustene ca se chiamasse 'n ate mude, ntra cui Thatch, Thach, Thack, Drummond o Dirmmon.

Pure si poco se sape circa 'a vita soja, secunno alcune funte se penza ca Edward Teach è nasciuto a Bristol, 'n Ngreterra, o a Pport Royal, 'n Giammaica, secunno ate. Fuje nu marenaro ncoppa na nava curzara durante 'a uerra 'e successione spagnuola, nota 'n Ammereca comme uerra d"a Riggina Anna, primma 'e stabilirse dinto ll'isula bahamiana 'e New Providence, base d"o capetanejo pirata Benjamin Hornigold, â cui chiorma Teach s'aunette dint"o 1716.