يورپين ڪميونٽي (European Community - EC) يا يورپي برادري اصل ۾ 1958ع ۾ قائم ٿي هئي.
هيءَ تنظيم علائقائي سطح تي ڪسٽم ڊيوٽي ۽ ٻين واپاري رڪاوٽن کي ختم ڪرڻ لاءِ جوڙي وئي، جڏهن تہ ٻين ملڪن ۾ ٻاهريان ٽيرف لاڳو ڪري ٻيا لاڳاپيل اپاءُ وٺڻ بہ شامل ڪيا ويا، جنهن ۾ زراعتي پاليسيءَ ۽ سرمائي کي يورپ جي آزاد ملڪن جو تحفظ حاصل آهي. تنظيم جا بنيادي ميمبر بيلجيم، فرانس، اولھ جرمني، اٽلي، لڪسمبرگ ۽ هالينڊ هئا، جڏهن ته ڊينمارڪ، آئرلينڊ ۽ برطانيا 1973ع ۾ ميمبر ٿيا. يونان 1981ع ۾ اسپين ۽ پورچوگال 1986ع ۾ ميمبر ٿيا. يورپي برادري جو اصطلاح ٽن مختلف تنظيمن ڏانهن اشارو ڪري ٿو، جيڪي مختلف معاهدن تحت ڪم ڪن ٿيون. انهن ٽن تنظيمن يعني ’يورپين ڪول ۽ اسٽيل ڪميونٽي‘ (1952ع)، ’يورپين اٽامڪ انرجي ڪميونٽي‘ (1958ع)، يورپين اڪنامڪ ڪميونٽي (1958ع) جي ٺهڻ کانپوءِ 1967ع کان يورپين يونين چئن عوامي پارلياماني ادارن ۾ خدمتون ڏئي رهي آهي، جن ۾ يورپين ڪميونٽي ڪميشن، يورپين ڪميونٽي ڪائونسل، يورپين پارليامينٽ ۽ ڪورٽ آف جسٽس آف يورپين ڪميونٽي شامل آهن.
This article uses material from the Wikipedia سنڌي، سندھی ، सिन्ध article يورپي برادري, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.