بهاماس
بھاماس(انگريزي: The Bahamas) i/bəˈhɑːməz/ جنھن جو سرڪاري نالو بھاماس جي دولت مشترڪه آھي.
ھي ملڪ اينٽلانٽڪ وڏي سمنڊ ۾ 700 کان وڌيڪَ ٻيٽن(انگريزي: islands)، ٻيٽن نما ھموار زميني مٿاڇرن(انگريزي: cay) ۽ ننڍڙن ٻيٽن(انگريزي: islets) تي مشتمل آهي. اھو ڪيوبا، ھيٽي، ھسپانيولا ۽ ڊومينيڪن ريپبلڪ جي اتر ۾ ، ترڪس ۽ ڪئيڪس ٻيٽن جي اتر اولهه ۾ ۽ فلوريڊا جي اوڀر ۾ واقع آھن. ھن ملڪ جي گاديءَ جو هنڌ نيسا(انگريزي: Nassau) آھي جيڪو نيو پراويڊنس ٻيٽ تي واقع آهي.
Commonwealth of The Bahamas | |||||
|---|---|---|---|---|---|
| |||||
شُعار: '"Forward, Upward, Onward, Together" | |||||
ترانو: "March On, Bahamaland" شاھي ترانو: "God Save the Queen" | |||||
.svg) | |||||
_-_BHS_-_UNOCHA.svg) | |||||
| گادي جو هنڌ | نيسا 25°4′N 77°20′W / 25.067°N 77.333°W | ||||
| سڀ کان وڏو شهر | گاديءَ جو هنڌ | ||||
| دفتري ٻوليون | انگريزي | ||||
| مقامي ٻولي | ڪريئول | ||||
| نسلي گروھ (2016) | 92.7% آفريڪي 4.7% يورپي 2.1% گڊرا يا گڏيل نسل 1.9% باقي ٻيا | ||||
| مقامي آبادي | بھامين يا بھاميائي | ||||
| حڪومت | وحداني پارلياماني آئيني بادشاهت | ||||
• بھاماس جو شاھي سربراهه | ايلزبيٿ II | ||||
• گورنر جنرل | مارگريٽ پنڊلنگ | ||||
• وزيراعظم | ھيوبرٽ منيس | ||||
| مقننه | پارليامينٽ | ||||
| سينيٽ | |||||
| ھائوس آف اسيمبلي | |||||
| آزادي | |||||
• يونائيٽيڊ ڪنگڊم کان | 10 جولاءِ 1973 | ||||
| پکيڙ | |||||
• جملي | 13٬878 km2 (5٬358 sq mi) (155th) | ||||
• پاڻي (%) | 28% | ||||
| آبادي | |||||
• 2016 اندازو | 391,232 (177th) | ||||
• 2010 مردم شماري | 351,461 | ||||
• گھاٽائي | 25.21 /km2 (65.3 /sq mi) (181st) | ||||
| جِي ڊي پي (مساوي قوت خريد ) | 2018 لڳ ڀڳ | ||||
• ڪل | $9.792 ارب ڊالر | ||||
• في سيڪڙو | $26,005 | ||||
| جِي. ڊي. پي (رڳو نالي ۾ ) | 2018 لڳ ڀڳ | ||||
• ڪل | $9.529 ارب ڊالر | ||||
تاريخ
.jpg)
1492 ۾ ڪرسٽوفر ڪولمبس سڀ کان پھريان ھن نئين دنيا جي بھاماس جي ڌرتيءَ تي قدم رکيو ۽ ان وقت ھتي ليوڪين(انگريزي: Lucayan) قبيلي جا ماڻهو رھندا ھئا جيڪي ايراواڪين ٻولي ڳالهائيندڙ ٽائنو نسل سان تعلق رکندڙ ھيا. اسپيني ماڻھن ھن ملڪ کي ڪالوني نہ بڻايو پر ھتان جي رھاڪن کي غلام بڻائي ھسپانيولا موڪلي انھن جو وڪرو شروع ڪيو. سن 1530 کان 1648 تائين برموڊا واري انگريزن واري ڪالوني مان انگريز جڏهن اليوٿيرا ٻيٽ تي تي آباد ٿيا تہ موجوده بھاماس جا ٻيٽ تقريبن آبادي کان خالي ٿي چڪا ھئا. 1718 ۾ بھاماس برطانيا جي ڪالوني ٿي چڪي هئي. آمريڪا جي آزادي جي جنگ شروع ٿيڻ کان پوءِ برطانيا ھزارين وفادار آمريڪي ماڻھن کي ھتي منتقل ڪيو جن پنھنجا غلام پڻ آندا ۽ اتي انھن کان گرانٽ ۾ مليل زمينن تي پوکيءَ جو ڪم ورتو.
جاگرافي
ھي ملڪ ڄڻ تہ ٻيٽن جو زنجير آھي جيڪو اتر اينٽلانٽڪ وڏي سمنڊ ۾ آمريڪي رياست فلوريڊا جي ڏکڻ اوڀر ۾ ڪيوبا جي اتر اوڀر ۾ جاگرافيائي بيھڪ 24 15 N, 76 00 W تي واقع آهي. ملڪ جي پکيڙ 13,880 چورس ڪلوميٽر آهي جنھن مان 10,010 چورس ڪلوميٽر خشڪي ۽ 3,870 چورس ڪلوميٽر پاڻي اٿس. دنيا م پکيڙ ۾ 161 نمبر تي آهي. ملڪ جي ڪابہ خشڪي واري سرحد ڪانھي پر ان جي بحري سرحد 3,542 ڪلوميٽر آهي. سندس بحري علائقي جي دعویٰ 12 ناٽيڪل ميل، مخصوص معاشي زون جي دعویٰ 200 ناٽيڪل ميل آھي. ان جي ٻيٽن جي بناوٽ ٽڪرين وانگر آهي. سڀ کان بلند ترين مقام مائونٽ الويرنيا آھي جيڪو ڪيٽ نالي ٻيٽ تي واقع آهي جنھن جي بلندي 64 ڪلوميٽر آهي
.
آبهوا
ھن ملڪ جي آبھوا سمنڊ واري ٽراپيڪل آھي.سامونڊي نار(انگريزي: Gulf) جي گرم پاڻي سان ماڊريٽ يا موافق رھندي آھي
.
معدنيات ۽ قدرتي وسيلا
لوڻ، اراگونائٽ، عمارتي ڪاٺ ۽ پوکي واري زمين ھن ملڪ جي قدرتي وسيلن ۽ معدنيات ۾ شامل آهن
.
زراعت
ھتان جي زرعي زمين ڪل زمين جو 1.4 سيڪڙو آهي جنھن مان پوکي جي لائق 0.8 سيڪڙو آهي. مستقل فصل ڪل زرعي زمين جو 0.4 سيڪڙو آھن. مستقل چراگاھون 0.2 سيڪڙو ۽ ٻيلا زرعي زمين جو 51.4 سيڪڙو آھن. آبپاشي نظام 2012 ۾ صرف 10 چورس ڪلوميٽرن تي مشتمل ھيس
.
بھاماس جا ماڻهو
2017 ۾ ھتان جي آبادي 329,988 ھئي ۽ دنيا ۾ 179 نمبر تي ھيو. ماڻھن کي بھامين يا بھاميئن يا بھاميائي چوندا آهن جن ۾ 90.6 سيڪڙو ڪارا، 4.7 سيڪڙو گورا، 1.9 سيڪڙو. ملڪ جي سرڪاري ٻولي انگريزي آهي. ٻي ٻولي ڪريئول اٿن.ملڪ جي آبادي جو 66 سيڪڙو نيو پراويڊنس ٻيٽ تي رھندڙ آھي جتي ملڪ جو گاديءَ جو هنڌ پڻ واقع آهي.ملڪ جا 69.9 ماڻھو پروٽسٽنٽ مذھب سان تعلق رکن ٿا جن ۾ 34.9 بئپٽسٽ پڻ شامل آهن. 13.7 سيڪڙو اينگليڪن، 8.9 سيڪڙو پينٽيڪوسٽل، 4.4 سيڪڙو سيونٿ ڊي آف ايڊوينٽسٽ، 3.6 سيڪڙو ميٿڊالسٽ، 1.9 چرچ آف گاڊ، 12 سيڪڙو رومن ڪيٿولڪ آھن
.
نالو
ملڪ جو نالو بھاماس آھي . سرڪاري نالو بھاماس جي دولت مشترڪه اٿس. بھاماس نالو اسپيني ٻولي جي ٻن لفظن مان نڪتل آهي : بھا ۽ مار جن جي معني آھي اونھو سمنڊ. بھاماس جي ٻيٽن جي ڪنارن تي پاڻي اونھو ھجڻ ڪري سندس اھو نالو پئجي ويو
.
سياسي نظام
.png)
ھن ملڪ جو سياسي نظام پارلياماني جمھوريت آھي جيڪا آئيني بادشاهت جي نگراني ۾ دولت مشترڪه تحت ھلندڙ آھي. ملڪ جي گاديءَ جو هنڌ نيسا آھي.ھن ملڪ جي انتظامي تقسيم ضلعن ۾ ٿيل آهي. ملڪ 31 ضلعن ۾ ورھايل آھي ۽ ھر ضلعو خود ٻيٽ يا ٻيٽن تي مشتمل آهي جن جا نالا آهن: بيري وارا ٻيٽ، بمني، بليڪ پوائنٽ، ڪيٽ آئلينڊ، سينٽرل اباڪو، سينٽرل ائنڊروس، سينٽرل اليوٿيرا، سٽي آف فري پورٽ، ڪروڪڊ ائلينڊ ۽ لانگ ڪي، ايسٽ گرينڊ بھاما، اڪسيوما، گرينڊ ڪي، ھاربر آئلينڊ، ھوپ ٽائون، اناگئا، لانگ آئلينڊ، منگروو ڪي، مئياگوانا، مورس آئلينڊ، نارٿ اباڪو، نارٿ ائنڊروس، نارٿ اليوٿيرا، رئگڊ آئلينڊ، رم ڪي، سين سيلويڊور، سائوٿ اباڪو، سائوٿ ائنڊروس، سائوٿ اليوٿيرا، اسپينش ويلس ۽ ويسٽ گرئنڊ بھاما
ملڪ 10 جولاءِ 1973 ۾ يونائيٽيڊ ڪنگڊم کان آزادي ورتي.ساڳي تاريخ تي ملڪ جو موجوده آئين بہ لاڳو ٿيو. ھن ملڪ جو نظام ڪامن لا سسٽم تي بيٺل آھي. ملڪ اڃان بين الاقوامي عدالت جي نظام ۾ شامل ناھي ٿيو.ملڪ جو رياستي سربراھ ھن وقت برطانيا جي راڻي ايلزبيٿ II آھي جنھن جي نمائندگي سندس نامزد ڪيل گورنر جنرل ڪندو آھي.ملڪ جي حڪومت جو سربراھ وزيراعظم آھي.
ملڪ جي پارليامينٽ ٻہ ايواني آھي جن مان ھڪ ايوان سينيٽ آھي جنھن جا 16 ميمبر آھن جن جي مقرري گورنر جنرل وزيراعظم ۽ حزب اختلاف جي سربراهه جي مشوري سان ڪندو آهي. ٻيون ايوان ھائوس آف اسيمبلي آھي جنھن جا 39 ميمبر آھن جن جي سڌي چونڊ پنجن سالن لاءِ ٿيندي آهي.
حوالا
This article uses material from the Wikipedia سنڌي، سندھی ، सिन्ध article بهاماس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.