Rumanzu
La palora rumanzu veni dû tèrmini francisu anticu romanz oppuru roman, ca è nu accurzamentu dâ lucuzzioni latina romanice loqui, ca signìfica parrari 'n lingua rumanza, vali a diri na lingua ca addiveni dû latinu.
Li primi cosi scrivuti a vèniri chiamati "rumanzi" spùntanu ntô cuminciari dâ Littiratura francisa ca ancora nun s'arriniscìa a fàrisi abbidiri bona ammenzu a chiddi di l'àutri paisi eurupei ca hannu 'n cumuni la stissa matri lingua, zoè lu latinu.
Lu rumanzu si sparti dâ nuvella o dê cùntura pâ lunchizza e macari pô megghiu ntrizzamentu dê fatta, ca si vènunu cuntannu nti tempi cchiù lonchi, vicenni e ambienti cchiù traficusi, cchiossai nùmmiru di pirsunaggi. Ci sunnu macari rumanzi curti, comu macari ci sunnu cùntura lonchi.
This article uses material from the Wikipedia Sicilianu article Rumanzu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.