Rulòggiu: Arnisi chi dici l'ura
Lu rològgiu (o rulòggiu e macri rilòggiu ), è nu strumentu ca servi pi nnicari l'uràriu e, 'n senzu cchiù ginirali, pi la misurazzioni dô trascùrriri dô tempu.
È custituitu essinzialmenti di nu muturi, di nu sistema di trasmissioni e di cuntrullu d'enirgìa e di nu veru e propriu nnicaturi dû tempu: lu quatranti.
Di l'antichi rologgi a pènnulu a li muderni mudelli a enirgìa sulari, n'assai èbbichi lu rològgiu scavarcau lu significatu pi lu quali vinni ammintatu (chiddu appuntu di misurari lu passari dô tempu) finennu p'addivintari nu veru e propriu status symbol, ntrèppiti di l'usi e di li custumi dî pòpuli diversi e di diversi ginirazzioni.
Lu rològgiu, pi quannu è n'uggettu di usu cumuni, appi ô spissu na mpurtanti valenza artìstica e simmòlica. Nzinu di lu principiari dâ rologgirìa li cassi di fora èranu dicurati e a li voti macari d'intra, pi magificàrini lu fàscinu dâ miccanica rològgica. Li rologgi di tàvulu sunnu fatti cu matiriali prizziusi, cumu oru, argentu e bronzu.
Ci sù assai tipi di rologgi: a acqua, a pènnulu, di pusu, di tasca, atòmicu, subàcquiu, autumàticu, ecc.
Talìa puru
This article uses material from the Wikipedia Sicilianu article Rulòggiu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.