ᱱᱚᱶᱟ ᱫᱚ ᱠᱟᱛᱟᱨ ᱫᱤᱥᱚᱢ ᱨᱮᱭᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱠᱟᱛᱟᱨ ᱨᱮᱱ ᱡᱚᱛᱚ ᱠᱷᱚᱱ ᱵᱤᱥᱛᱤ ᱦᱚᱲ ᱱᱚᱰᱮ ᱠᱚ ᱛᱟᱦᱮᱱᱟ ᱾ ᱯᱟᱨᱥᱤᱭᱟᱱ ᱩᱯᱫᱚᱨᱭᱟ ᱫᱷᱟᱨᱮ ᱨᱮ ᱱᱚᱣᱟ ᱱᱟᱜᱟᱨ ᱫᱚ ᱢᱮᱱᱟᱜ-ᱟ ᱾
ᱫᱚᱦᱟ ᱫᱚ ᱠᱟᱛᱟᱨ ᱨᱮᱭᱟᱜ ᱛᱟᱞᱟ ᱯᱩᱨᱩᱵᱽ ᱯᱟᱦᱴᱟ ᱨᱮ ᱢᱮᱱᱟᱜ-ᱟ ᱾ ᱯᱟᱨᱥᱤᱭᱟᱱ ᱩᱯᱫᱚᱨᱭᱟ ᱥᱟᱶ ᱱᱚᱣᱟ ᱫᱚ ᱵᱷᱤᱲᱟᱹᱣ ᱜᱮᱭᱟ ᱾ ᱱᱚᱰᱮᱱᱟᱜ ᱱᱟᱜᱟᱨ ᱫᱚ ᱟᱹᱰᱤ ᱡᱩᱨ ᱥᱩᱨ ᱛᱮ ᱛᱮ ᱵᱮᱱᱟᱜ ᱠᱟᱱᱟ ᱾ ᱫᱚᱦᱟ ᱨᱮᱭᱟᱜ ᱯᱚᱨᱞ ᱫᱤᱯ ᱫᱚ ᱦᱚᱲ ᱜᱮᱠᱚ ᱵᱮᱱᱟᱣ ᱟᱠᱟᱜ-ᱟ ᱾ ᱱᱚᱣᱟ ᱫᱚ ᱑᱐᱐᱐ ᱮᱠᱚᱨ ᱜᱟᱱ ᱡᱟᱜᱟ ᱨᱮ ᱟᱴᱮᱫ ᱟᱠᱟᱱᱟ ᱾ ᱱᱚᱰᱮ ᱢᱮᱱᱟᱜ ᱮᱴᱟᱜ ᱫᱤᱯ ᱨᱮᱭᱟᱜ ᱧᱩᱛᱩᱢ ᱠᱚᱫᱚ ᱯᱟᱢ ᱫᱟᱨᱮ ᱫᱤᱯ, ᱟᱞᱤᱭᱟ ᱫᱤᱯ, ᱮᱢᱟᱱ ᱾
ᱱᱚᱰᱮ ᱫᱚ ᱞᱚᱞᱚ ᱜᱤᱛᱤᱞ ᱚᱛ ᱨᱮᱭᱟᱜ ᱦᱚᱭ ᱦᱤᱥᱤᱫ ᱢᱮᱱᱟᱜ-ᱟ ᱾ ᱱᱚᱰᱮ ᱫᱚ ᱥᱤᱛᱩᱝ ᱫᱤᱱ ᱟᱹᱰᱤ ᱡᱤᱞᱤᱧᱟ ᱾ ᱢᱮ ᱠᱷᱚᱱᱟᱜ ᱥᱮᱯᱴᱮᱢᱵᱚᱨ ᱦᱟᱹᱵᱤᱡ ᱱᱚᱰᱮ ᱫᱚ ᱫᱚᱢᱮ ᱥᱤᱛᱤᱝ ᱟ ᱾ ᱥᱤᱛᱩᱝ ᱨᱤᱛᱩ ᱨᱮ ᱛᱟᱯ ᱫᱚ ᱔᱕ ᱦᱟᱵᱤᱡ ᱥᱮᱴᱮᱨᱚᱜ-ᱟ ᱾
ᱠᱟᱛᱟᱨ ᱨᱮᱭᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱟᱨᱚᱵᱤᱠ ᱠᱟᱱᱟ ᱾ ᱤᱸᱝᱞᱤᱥ ᱦᱚᱸ ᱜᱫᱚᱥᱟᱨ ᱯᱟᱹᱨᱥᱤ ᱞᱮᱠᱟ ᱛᱮ ᱜᱚᱴᱟ ᱜᱮᱠᱚ ᱵᱮᱵᱷᱟᱨ ᱜᱮᱭᱟ ᱾ ᱮᱴᱟᱜ ᱫᱤᱥᱚᱢ ᱨᱮᱱ ᱦᱚᱲ ᱦᱮᱡ ᱠᱟᱛᱮ ᱫᱚᱦᱟ ᱨᱮ ᱦᱚᱲ ᱠᱚ ᱵᱟᱥᱟ ᱟᱠᱟᱱ ᱠᱷᱟᱹᱛᱤᱨ ᱱᱚᱰᱮ ᱢᱟᱞᱚᱭᱟᱞᱚᱢ, ᱛᱟᱢᱤᱞ, ᱵᱮᱝᱜᱚᱞᱤ, ᱛᱟᱜᱟᱞᱚᱝ, ᱥᱯᱟᱱᱤᱥ, ᱯᱷᱨᱮᱸᱪ, ᱩᱨᱫᱩ ᱟᱨ ᱦᱤᱱᱫᱤ ᱦᱚᱸᱠᱚ ᱨᱚᱲ ᱜᱮᱭᱟ ᱾ ᱮᱴᱟᱜ ᱫᱤᱥᱚᱢ ᱠᱷᱚᱱ ᱦᱮᱡ ᱟᱠᱟᱱ ᱦᱚᱲ ᱫᱚ ᱱᱚᱶᱟ ᱫᱤᱥᱮᱢ ᱨᱮ ᱦᱟᱥᱟ ᱠᱤᱨᱤᱧ ᱫᱚ ᱢᱟᱱᱟ ᱜᱮᱭᱟ ᱾
ᱫᱚᱦᱟ ᱨᱮᱠᱚ ᱛᱟᱦᱮᱸᱱ ᱠᱟᱱ ᱟᱹᱰᱤ ᱜᱟᱱ ᱦᱚᱲ ᱜᱮ ᱢᱩᱥᱞᱤᱢ ᱠᱟᱱᱟ ᱠᱚ ᱾ ᱫᱚᱦᱟ ᱨᱮᱫᱚ ᱑,᱕᱐,᱐᱐᱐ ᱜᱟᱱ ᱠᱤᱨᱤᱥᱛᱟᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱾
ᱫᱚᱦᱟ ᱫᱚ ᱠᱟᱛᱟᱨ ᱨᱮᱭᱟᱜ ᱥᱮᱪᱮᱫ ᱨᱮᱭᱟᱜ ᱛᱟᱞᱢᱟ ᱠᱟᱱᱟ ᱾ ᱱᱚᱰᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱵᱤᱨᱫᱟᱹᱜᱟᱲ ᱟᱨ ᱢᱟᱦᱟ ᱵᱤᱨᱫᱟᱹᱜᱟᱲ ᱢᱮᱱᱟᱜ-ᱟ ᱾ ᱑᱙᱕᱒ ᱥᱟᱞ ᱨᱮ ᱯᱩᱭᱞᱩ ᱠᱚᱲᱟ ᱠᱚᱣᱟᱜ ᱵᱤᱨᱫᱟᱹᱜᱟᱲ ᱱᱚᱰᱮ ᱡᱷᱤᱡ ᱞᱮᱱᱟ ᱾ ᱚᱱᱟ ᱨᱮᱭᱟᱜ ᱯᱮ ᱥᱮᱨᱢᱟ ᱛᱟᱭᱚᱢ ᱠᱩᱲᱤ ᱠᱚᱣᱟᱜ ᱵᱤᱨᱫᱟᱹᱜᱟᱲ ᱫᱚ ᱡᱷᱤᱡ ᱞᱮᱱᱟ ᱾ ᱱᱚᱰᱮᱱᱟᱜ ᱯᱩᱭᱞᱩ ᱡᱮᱜᱮᱛ ᱵᱤᱨᱫᱟᱹᱜᱟᱧ ᱠᱟᱛᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱑᱙᱗᱓ ᱥᱟᱞ ᱨᱮ ᱡᱷᱤᱡ ᱞᱮᱱᱟ ᱾ ᱱᱚᱰᱮ ᱫᱚ ᱠᱚᱲᱟ ᱟᱨ ᱠᱩᱲᱤ ᱵᱟᱠᱷᱨᱟ ᱵᱷᱮᱜᱟᱨ ᱵᱷᱮᱜᱟᱨ ᱥᱩᱵᱤᱫᱷᱟ ᱛᱟᱦᱮᱸ ᱠᱟᱱᱟ ᱾
ᱯᱷᱩᱴᱵᱚᱞ ᱫᱚ ᱫᱚᱦᱟ ᱨᱮᱱᱟᱜ ᱟᱹᱰᱤ ᱯᱚᱯᱩᱞᱟᱨ ᱠᱷᱮᱞ ᱠᱟᱱᱟ ᱾ ᱱᱚᱰᱮ ᱛᱩᱨᱩᱭ ᱜᱚᱴᱟᱝ ᱠᱷᱮᱞ ᱠᱞᱚᱵᱽ ᱢᱮᱱᱟᱜ-ᱟ ᱾ ᱠᱟᱛᱟᱨ ᱫᱤᱥᱚᱢ ᱨᱮᱭᱟᱜ ᱡᱚᱛᱚ ᱠᱷᱚᱱ ᱠᱷᱮᱞ ᱞᱤᱜᱽ ᱠᱟᱛᱟᱨ ᱥᱯᱚᱨᱴᱥ ᱞᱤᱜᱽ ᱨᱮ ᱱᱩᱠᱩ ᱫᱚᱞ ᱵᱷᱟᱜᱽ ᱠᱚ ᱦᱟᱛᱟᱣᱮᱜ-ᱟ ᱾
Click on the thumbnail to enlarge.
This article uses material from the Wikipedia ᱥᱟᱱᱛᱟᱲᱤ article ᱫᱚᱦᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.