ᱡᱚᱱ ᱞᱚᱠ ᱤᱝᱨᱟᱡᱤ ᱛᱮ ᱫᱚ John_Locke( ᱒᱙ ᱟᱜᱚᱥᱴ ᱑᱖᱓᱒ – ᱒᱘ ᱚᱠᱴᱚᱵᱚᱨ ᱑᱗᱐᱔) ᱫᱚ ᱤᱝᱨᱮᱡᱽ ᱥᱟᱱᱟᱥᱤ, ᱠᱟᱹᱣᱰᱤ–ᱟᱹᱨᱤ ᱵᱤᱫᱽ, ᱟᱨ ᱢᱟᱨᱥᱟᱞ ᱡᱩᱜᱽ ᱨᱮᱱ ᱢᱤᱫᱽ ᱪᱤᱱᱛᱟᱵᱤᱫᱽ ᱨᱟᱡᱲᱽᱟᱹᱨᱤ ᱵᱟᱠᱷᱮᱲᱤᱡ ᱠᱟᱱᱟᱭ᱾ ᱱᱚᱞᱮᱡᱽ ᱛᱷᱤᱣᱨᱤ ᱜᱟᱞᱢᱟᱨᱟᱣ ᱨᱮᱱᱟᱜ ᱰᱟᱦᱟᱨ ᱥᱮᱡ ᱞᱮᱠᱟᱛᱮ ᱱᱟᱣᱟ ᱮᱠᱥᱯᱮᱨᱤᱭᱮᱱᱥ ᱮ ᱪᱟᱞ ᱟᱠᱟᱫᱟ᱾ Materialistic philosophical ᱪᱤᱱᱛᱟᱹ ᱨᱮ ᱯᱷᱟᱱᱰᱟᱢᱮᱱᱴᱟᱞ ᱠᱩᱠᱞᱤᱭᱮ ᱨᱟᱠᱟᱵ ᱟᱠᱟᱫᱟ᱾ ᱩᱱᱤᱭᱟᱜ ᱚᱞ ᱡᱮ ᱞᱮᱠᱟ ᱱᱟᱦᱟ political philoshopy ᱨᱮᱱᱟᱜ ᱜᱟᱹᱦᱤᱨ ᱯᱚᱛᱚᱵ ᱢᱮᱱ ᱛᱮ ᱢᱮᱱᱚᱜᱼᱟ ᱚᱝᱠᱟ ᱜᱮ ᱚᱱᱟ ᱚᱠᱛᱮ ᱨᱮᱱᱟᱜ ᱨᱟᱡᱱᱤᱛᱤ ᱵᱚᱫᱚᱞᱨᱮ ᱟᱨ ᱵᱩᱨᱡᱩᱣᱟ ᱠᱚ ᱦᱟᱨᱟᱜ ᱨᱮ ᱩᱱᱤᱭᱟᱜ ᱮᱱᱮᱢ ᱢᱮᱱᱟᱜ ᱛᱟᱭᱟ᱾ ᱦᱮᱨᱮᱞ ᱦᱚᱯᱚᱱᱟᱜ ᱥᱚᱢᱟᱡᱽ ᱨᱮ ᱛᱤᱨᱞᱟᱹ ᱦᱚᱯᱚᱱᱟᱜ ᱛᱮᱦᱮᱱ ᱪᱮᱛᱟᱱ ᱨᱚᱲ ᱨᱮ ᱦᱚᱸ ᱮᱱᱮᱢ ᱢᱮᱱᱟᱜ ᱛᱟᱭᱟ᱾ ᱚᱠᱟ ᱧᱮᱞ ᱛᱮ ᱱᱟᱦᱟᱜ ᱛᱤᱨᱞᱟᱹ ᱠᱚ ᱥᱮᱡ ᱨᱚᱲ ᱦᱚᱲ ᱞᱮᱠᱟᱭ ᱢᱚᱱᱮᱜᱼᱟ᱾ ᱛᱟᱭᱚᱢ ᱫᱟᱨᱟᱢ ᱛᱮ ᱥᱟᱱᱟᱥᱤ ᱟᱨ ᱨᱟᱥᱴᱨᱚᱪᱤᱱᱛᱟ ᱨᱮ ᱟᱭᱢᱟ ᱯᱨᱚᱵᱷᱟᱵᱽ ᱢᱮᱱᱟᱜᱼᱛᱟᱭᱟ᱾
᱑᱖᱓᱒ ᱥᱮᱨᱢᱟ ᱨᱮ ᱵᱨᱤᱴᱮᱱ ᱨᱮᱱᱟᱜ ᱵᱨᱤᱥᱴᱚᱞ ᱟᱲᱮ ᱨᱮᱭ ᱡᱟᱱᱟᱢ ᱟᱠᱟᱱᱟ᱾ ᱟᱡ ᱵᱟᱵᱟᱣᱟᱜ ᱧᱤᱛᱩᱢ ᱦᱚᱸ ᱛᱟᱦᱮ ᱠᱟᱱᱟ ᱡᱚᱱ ᱞᱚᱠ᱾ ᱟᱡ ᱵᱟᱵᱟ ᱫᱚ lawyer ᱮ ᱛᱟᱦᱮ ᱠᱟᱱᱟ᱾ ᱑᱖᱔᱗ ᱥᱮᱨᱢᱟ ᱨᱮ ᱞᱚᱠ ᱫᱚ ᱚᱭᱮᱥᱴ ᱢᱤᱱᱤᱥᱴᱟᱨ ᱤᱥᱠᱩᱞ ᱨᱮ ᱟᱭᱟᱜ ᱯᱟᱲᱦᱟᱜ ᱡᱤᱭᱚᱱᱮ ᱮᱦᱚᱵ ᱠᱮᱫᱟ᱾ ᱑᱖᱕᱒ ᱥᱮᱨᱢᱟ ᱨᱮ ᱚᱠᱥᱯᱷᱚᱨᱰ ᱤᱣᱱᱤᱵᱷᱟᱨᱥᱤᱴᱤ ᱨᱮᱱᱟᱜ ᱠᱨᱟᱭᱤᱥᱴ ᱪᱟᱨᱪ ᱠᱚᱞᱮᱡᱽ ᱨᱮᱭ ᱵᱷᱚᱨᱛᱤ ᱭᱮᱱᱟ᱾ ᱚᱠᱥᱯᱷᱚᱨᱰ ᱨᱮ ᱞᱚᱠ ᱫᱚ ᱥᱟᱱᱟᱥᱤ, Chemistry, physics, medicine ᱮᱢᱟᱱ ᱥᱟᱛᱟᱢ ᱠᱚ ᱪᱮᱛᱟᱱᱮ ᱯᱟᱲᱦᱟᱣ ᱮᱱᱟ᱾ ᱑᱖᱕᱙ ᱥᱮᱨᱢᱟ ᱨᱮ ᱠᱨᱟᱭᱤᱥᱴᱟᱞ ᱪᱟᱨᱪ ᱠᱚᱞᱮᱡᱽ ᱨᱮ ᱥᱤᱱᱤᱭᱚᱨ ᱤᱥᱴᱩᱰᱮᱱᱴ ᱮ ᱦᱩᱭᱮᱱᱟ᱾ ᱛᱟᱭᱚᱢ ᱥᱮᱨᱢᱟ ᱜᱨᱤᱠ ᱯᱟᱹᱨᱥᱤ ᱨᱮᱱ professor ᱮ ᱦᱩᱭᱮᱱᱟ᱾ ᱛᱟᱭᱚᱢ ᱛᱮ ᱮᱞᱠᱷᱟ ᱨᱮᱱ ᱯᱟᱲᱦᱟᱣᱤᱡ ᱟᱨ ᱯᱷᱤᱞᱚᱥᱚᱯᱷᱤ ᱨᱮᱱ professor ᱮ ᱦᱩᱭᱮᱱᱟ᱾ ᱟᱭᱟᱜ ᱠᱟᱹᱢᱤᱭᱟᱹ ᱡᱤᱭᱚᱱ ᱨᱮ professor, ᱪᱤᱠᱤᱛᱥᱚᱠ ᱟᱨ ᱨᱟᱡ ᱜᱩᱰᱤᱛ ᱦᱩᱭ ᱠᱟᱛᱮᱜ ᱟᱭᱢᱟᱭ ᱠᱟᱹᱢᱤ ᱟᱠᱟᱫᱟ᱾᱑᱖᱗᱑ ᱥᱮᱨᱢᱟ ᱥᱮᱡ ᱢᱟᱱᱣᱟ ᱜᱮᱱ ᱟᱨ ᱨᱟᱥᱴᱨᱚ ᱥᱚᱢᱟᱡᱽ ᱪᱮᱛᱟᱱ ᱚᱞᱮ ᱮᱦᱚᱵ ᱮᱱᱟ᱾ ᱑᱖᱙᱐ ᱥᱮᱨᱢᱟ ᱨᱮ ᱩᱱᱤᱭᱟᱜ ᱟᱹᱰᱤ ᱧᱤᱛᱩᱢᱟᱱ ᱯᱚᱛᱚᱵ An Essay Concerning Human Understanding ᱨᱮᱱᱟᱜ ᱯᱩᱭᱞᱩ ᱥᱟᱯᱲᱟᱣ ᱩᱪᱷᱟᱹᱱᱮᱱᱟ᱾ ᱞᱚᱠ ᱵᱟᱧᱪᱟᱣ ᱛᱟᱦᱮᱱ ᱵᱷᱚᱨ ᱜᱮ ᱱᱤᱭᱟᱹ ᱯᱚᱛᱚᱵ ᱨᱮᱱᱟ ᱟᱨᱦᱚᱸ ᱯᱮᱭᱟ ᱥᱟᱯᱲᱟᱣ ᱩᱪᱷᱟᱹᱱᱮᱱᱟ᱾ ᱚᱱᱟ ᱥᱮᱨᱢᱟ ᱜᱮ ᱟᱨᱦᱚᱸ ᱢᱤᱫ ᱴᱮᱱ ᱯᱚᱛᱚᱵ ᱩᱪᱷᱟᱹᱱᱮᱱ ᱛᱟᱭᱟ Two Treatise on Civil Government᱾ ᱑᱖᱙᱓ ᱨᱮ ᱩᱪᱷᱟᱹᱱᱮᱱᱟ ᱥᱮᱪᱮᱫ ᱪᱮᱛᱟᱱ ᱛᱷᱚᱲᱟ ᱯᱚᱛᱚᱵ Some Thoughts Concerning Education। ᱡᱚᱭᱚᱱ ᱨᱮᱱᱟᱜ ᱢᱩᱪᱟᱹᱫ ᱥᱮᱡ ᱫᱚ ᱦᱚᱲᱢᱚ ᱡᱟᱲᱟᱣᱮᱱ ᱛᱟᱭᱟ᱾ ᱑᱗᱐᱔ ᱥᱮᱨᱢᱟ ᱨᱮᱭ ᱦᱟᱱᱟᱯᱩᱨᱤᱭᱮᱱᱟ᱾ ᱞᱚᱠ ᱫᱚ ᱵᱮᱜᱚᱨ ᱵᱟᱯᱞᱟ ᱜᱮᱭ ᱛᱟᱦᱮᱠᱟᱱ ᱛᱮ ᱜᱤᱫᱽᱨᱟᱹ ᱯᱤᱫᱽᱨᱟᱹ ᱦᱚᱸ ᱵᱟᱠᱚ ᱛᱟᱦᱮ ᱠᱟᱱᱛᱟᱭᱟ᱾
This article uses material from the Wikipedia ᱥᱟᱱᱛᱟᱲᱤ article ᱡᱚᱱ ᱞᱚᱠ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.