ᱟᱢᱟᱡᱚᱱ ᱵᱤᱨ
ᱟᱢᱟᱡᱚᱱ ᱵᱤᱨ ᱫᱚ ᱟᱢᱟᱡᱚᱱ ᱵᱤᱨ ᱧᱩᱛᱩᱢ ᱛᱮ ᱡᱟᱦᱟᱸ ᱠᱚ ᱴᱷᱤᱠᱟᱹᱭᱟ, ᱚᱱᱟ ᱫᱚ ᱮᱛᱚᱢ ᱟᱢᱮᱨᱤᱠᱟ ᱟᱢᱟᱡᱚᱱ ᱜᱟᱰᱟ ᱟᱲᱮ ᱨᱮ ᱢᱮᱱᱟᱜ ᱢᱤᱫᱴᱟᱹᱝ ᱞᱟᱹᱴᱩ ᱵᱤᱨ ᱡᱟᱭᱜᱟ ᱠᱟᱱᱟ ᱾ ᱱᱚᱶᱟ ᱫᱚ ᱗᱐ ᱞᱟᱠᱷ ᱵᱚᱨᱜᱚ ᱠᱤᱞᱚᱢᱤᱴᱚᱨ ᱨᱮᱱᱟᱜ ᱯᱚᱨᱤᱵᱮᱥ ᱥᱟᱶ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱟᱨ ᱱᱚᱶᱟ ᱵᱤᱨ ᱨᱮ ᱕᱕ ᱞᱟᱠᱷ ᱵᱚᱨᱜᱚ ᱠᱤᱞᱚᱢᱤᱴᱚᱨ ᱡᱟᱭᱜᱟ ᱵᱤᱨ ᱫᱚ ᱨᱚᱦᱚᱲ ᱟᱨ ᱫᱟᱜ ᱥᱟᱶ ᱢᱮᱱᱟᱜᱼᱟ ᱾ ᱟᱨᱮ ᱜᱚᱴᱟᱝ ᱫᱤᱥᱚᱢ ᱨᱮ ᱱᱚᱶᱟ ᱵᱤᱨ ᱫᱚ ᱢᱮᱱᱟᱜᱼᱟ ᱾ ᱟᱢᱟᱡᱚᱱ ᱵᱤᱨ ᱫᱚ ᱖᱐% ᱢᱮᱱᱟᱜᱼᱟ ᱵᱨᱟᱡᱤᱞ ᱨᱮ, ᱑᱓% ᱯᱮᱨᱩ ᱨᱮ, ᱟᱨ ᱥᱟᱨᱮᱡ ᱟᱠᱟᱱ ᱡᱟᱜᱟ ᱫᱚ ᱠᱚᱞᱚᱢᱵᱤᱭᱟ, ᱵᱷᱮᱱᱮᱡᱩᱭᱮᱞᱟ, ᱤᱠᱩᱣᱟᱰᱚᱨ, ᱜᱟᱭᱟᱱᱟ, ᱥᱩᱨᱤᱱᱟᱢ ᱟᱨ ᱯᱷᱨᱟᱸᱥᱤ ᱜᱟᱭᱟᱱᱟ ᱨᱮ ᱢᱮᱱᱟᱜᱼᱟ ᱾ ᱫᱷᱟᱹᱨᱛᱤ ᱨᱮ ᱢᱮᱱᱟᱜ ᱡᱚᱛᱚ ᱞᱮᱠᱟᱱ ᱫᱟᱜ ᱵᱤᱨ ᱠᱚ ᱢᱮᱥᱟ ᱞᱮᱱ ᱠᱷᱟᱱ ᱡᱟᱦᱟᱸ ᱡᱟᱜᱟ ᱦᱩᱭᱩᱜᱼᱟ, ᱚᱱᱟ ᱠᱚᱨᱮᱱᱟᱜ ᱟᱫᱷᱟ (ᱚᱮᱫᱷᱮᱠ) ᱠᱟᱱᱟ ᱱᱚᱶᱟ ᱵᱤᱨ ᱫᱚ ᱾ ᱱᱚᱸᱰᱮ ᱫᱚ ᱫᱷᱟᱹᱨᱛᱤ ᱨᱮᱱ ᱡᱚᱛᱚ ᱞᱮᱠᱟᱱ ᱡᱤᱵᱽ-ᱡᱤᱭᱟᱹᱞᱤ ᱠᱚ ᱛᱟᱦᱮᱱ ᱟᱠᱟ ᱢᱮᱱᱟᱜ ᱠᱚᱣᱟ ᱾ ᱱᱚᱶᱟ ᱵᱤᱨ ᱨᱮ ᱓᱙᱐ ᱢᱤᱞᱤᱭᱚᱱ ᱜᱟᱱ ᱫᱟᱨᱮ ᱢᱮᱱᱟᱜᱼᱟ,ᱟᱨ ᱚᱱᱟ ᱠᱚ ᱫᱚ ᱑᱖᱐᱐᱐ ᱞᱮᱠᱟᱱ ᱯᱨᱚᱡᱟᱛᱤ ᱠᱟᱱᱟ ᱾
| Amazon rainforest Portuguese: Floresta amazônica Spanish: Selva amazónica | |
|---|---|
 Amazon rainforest, near Manaus, ᱵᱨᱟᱡᱤᱞ | |
| Geography | |
 Map of the Amazon rainforest ecoregions as delineated by the WWF in white and the Amazon drainage basin in blue. | |
| Location | ᱵᱨᱟᱡᱤᱞ, ᱯᱮᱨᱩ, ᱠᱚᱞᱚᱢᱵᱤᱭᱟ, ᱵᱷᱮᱱᱮᱡᱩᱭᱮᱞᱟ, ᱤᱠᱩᱣᱟᱰᱚᱨ, ᱵᱚᱞᱤᱵᱷᱤᱭᱟ, ᱜᱟᱭᱟᱱᱟ, ᱥᱩᱨᱤᱱᱟᱢ, ᱯᱷᱨᱟᱸᱥ (ᱯᱷᱨᱟᱸᱥᱤ ᱜᱟᱭᱟᱱᱟ) |
| Coordinates | 60°W / 3°S 60°W |
| Area | 5,500,000 km2 (2,100,000 sq mi) |
ᱞᱟᱦᱟᱱᱟᱝ ᱠᱟᱛᱷᱟ
ᱥᱮᱞᱮᱫ ᱯᱚᱱᱚᱛ ᱨᱮᱱ ᱢᱤᱫᱽ ᱵᱤᱜᱜᱟᱱᱤ (ᱯᱚᱱᱰᱤᱛ)-ᱮ ᱞᱟᱹᱭ ᱟᱠᱟᱫᱟ ᱡᱮ ᱟᱢᱟᱡᱚᱱ ᱵᱤᱨ ᱫᱚ ᱫᱟᱨᱟᱭ ᱠᱟᱱ ᱕᱐ ᱥᱮᱨᱢᱟ ᱚᱠᱛᱚᱨᱮ ᱵᱤᱞᱩᱯᱛᱚ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱚᱶᱟ ᱫᱚ ᱮᱥᱴᱮᱥ ᱵᱤᱥᱥᱚᱵᱤᱫᱽᱫᱟᱞᱚᱭ ᱨᱮᱱ ᱯᱚᱨᱤᱵᱮᱥ ᱵᱤᱜᱜᱟᱱ ᱨᱮᱱ ᱪᱤᱪᱤᱫᱤᱭᱟᱹ ᱡᱮᱢᱼᱥ ᱮᱞᱠᱚᱠ ᱵᱤᱵᱤᱥᱤ ᱠᱚᱭ ᱮᱢᱟᱠᱚᱣᱟᱜ ᱢᱤᱫ ᱠᱷᱚᱵᱚᱨ ᱨᱮ ᱱᱚᱣᱟ ᱫᱚᱭ ᱞᱟᱹᱭ ᱟᱠᱟᱫᱼᱟ ᱾
ᱡᱟᱹᱨᱩᱲ
ᱟᱢᱟᱡᱚᱱ ᱵᱤᱨ ᱨᱮᱱᱟᱜ ᱡᱟᱹᱨᱩᱲ ᱫᱚ ᱟᱹᱰᱤ ᱜᱟᱱ ᱜᱮ ᱢᱮᱱᱟᱜᱼᱟ ᱾ ᱫᱷᱟᱹᱨᱛᱤ ᱨᱮᱱᱟᱜ ᱒᱐% ᱥᱟᱦᱮᱫ (ᱚᱠᱥᱤᱡᱮᱱ) ᱧᱟᱢᱚᱜᱼᱟ ᱱᱚᱶᱟ ᱟᱢᱟᱡᱚᱱ ᱵᱤᱨ ᱫᱟᱨᱮ ᱠᱷᱚᱱ ᱾ ᱟᱢᱟᱡᱚᱱ ᱵᱤᱨ ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱞᱟᱭᱚᱝ ᱵᱟᱧᱪᱟᱣ ᱞᱟᱹᱜᱤᱫ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱶᱟ ᱵᱤᱨ ᱨᱮᱱᱟᱜ ᱜᱟᱰᱟ ᱵᱟ ᱟᱢᱟᱡᱚᱱ ᱜᱟᱰᱟ ᱫᱚ ᱟᱢᱭᱟ ᱜᱟᱰᱟ ᱨᱮᱱᱟᱜ ᱡᱚᱲᱟᱣ ᱠᱟᱱᱟ ᱾ ᱚᱱᱟ ᱵᱮᱜᱚᱨ ᱦᱚᱸ ᱟᱢᱟᱡᱚᱱ ᱨᱮ ᱔᱕ ᱞᱟᱠᱷ ᱛᱮᱪᱟᱱ ᱡᱤᱵᱽ-ᱡᱤᱭᱟᱹᱞᱤ ᱠᱚ ᱢᱮᱱᱟᱜ ᱠᱚᱣᱟ, ᱔᱒᱘ ᱯᱨᱚᱡᱟᱛᱤ ᱞᱮᱠᱟ ᱜᱷᱩᱴᱩ ᱨᱮᱱ, ᱓᱗᱘ ᱞᱮᱠᱟᱱ ᱯᱨᱚᱡᱟᱛᱤ ᱫᱟᱜ ᱨᱮᱱ, ᱟᱨ ᱔᱒᱘ ᱯᱨᱚᱡᱟᱛᱤ ᱞᱮᱠᱟ ᱟᱹᱛᱤᱧ ᱡᱚᱢ ᱡᱤᱵᱽ ᱢᱮᱱᱟᱜ ᱠᱚᱣᱟ ᱾ ᱟᱢᱟᱡᱚᱱ ᱟᱰᱮᱯᱟᱥᱮ ᱓᱐᱐᱐ ᱜᱮᱥᱟᱭ ᱞᱮᱠᱟᱱ ᱯᱨᱚᱡᱟᱛᱤ ᱨᱮ ᱦᱟᱹᱠᱩ ᱠᱚ ᱢᱮᱱᱟᱜ ᱠᱚᱣᱟ ᱾
ᱟᱹᱫᱤᱵᱟᱹᱥᱤ
ᱱᱚᱶᱟ ᱵᱤᱨ ᱛᱟᱞᱟ ᱨᱮ ᱓00 ᱠᱷᱚᱱ ᱡᱟᱹᱥᱛᱤ ᱟᱹᱫᱤᱵᱟᱹᱥᱤ ᱦᱚᱲ ᱠᱚ ᱢᱮᱱᱟᱜ ᱠᱚᱣᱟ ᱾ ᱩᱱᱠᱩ ᱫᱚ ᱑᱐ ᱞᱟᱠᱷ ᱠᱷᱚᱱ ᱦᱚᱸ ᱠᱚ ᱥᱟᱸᱜᱮ ᱜᱮᱭᱟ ᱾ ᱡᱟᱹᱥᱛᱤ ᱫᱚ ᱵᱨᱟᱡᱤᱞ ᱟᱲᱮ ᱨᱮ ᱜᱮ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩ ᱛᱟᱞᱟ ᱨᱮ ᱟᱭᱢᱟ ᱟᱹᱫᱤᱵᱟᱹᱥᱤ ᱜᱮ ᱢᱮᱱᱟᱜ ᱠᱚᱣᱟ ᱡᱟᱦᱟ ᱫᱚ ᱫᱷᱟᱹᱨᱛᱤ ᱨᱮᱱ ᱦᱚᱲ ᱥᱟᱶ ᱟᱹᱰᱤ ᱡᱚᱜᱟᱡᱚᱜᱽ ᱵᱟᱹᱱᱩᱜ ᱛᱟᱠᱚᱣᱟ ᱾
ᱥᱟᱹᱠᱷᱭᱟᱹᱛ
ᱵᱟᱨᱦᱮ ᱡᱚᱱᱚᱲ
| ᱣᱤᱠᱤᱥᱟᱸᱜᱷᱟᱨ ᱨᱮ Amazonia ᱵᱟᱵᱚᱛ ᱥᱟᱸᱜᱷᱟᱨ ᱫᱤᱥᱼᱦᱩᱫᱤᱥ ᱢᱮᱱᱟᱜᱼᱟ ᱾ |
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Amazon Rainforest ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- Journey into Amazonia
- The Amazon: The World's Largest Rainforest
- WWF in the Amazon rainforest
- Amazonia.org.br Good daily updated Amazon information database on the web, held by Friends of The Earth – Brazilian Amazon.
- amazonia.org Sustainable Development in the Extractive Reserve of the Baixo Rio Branco – Rio Jauaperi – Brazilian Amazon.
Amazon Rainforest News Original news updates on the Amazon.
- Amazon-Rainforest.org Information about the Amazon rainforest, its people, places of interest, and how everyone can help.
- Conference: Climate change and the fate of the Amazon. Podcasts of talks given at Oriel College, University of Oxford, 20–22 March 2007.
- Dead humpback whale calf in the Amazon
This article uses material from the Wikipedia ᱥᱟᱱᱛᱟᱲᱤ article ᱟᱢᱟᱡᱚᱱ ᱵᱤᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.