ᱠᱳᱠᱟ-ᱠᱳᱞᱟ
ᱠᱳᱠᱟ-ᱠᱳᱞᱟ (ᱤᱝᱨᱮᱡᱤ: Coca-Cola) ᱫᱚ ᱦᱩᱭᱩᱜ ᱠᱟᱱᱟ ᱢᱤᱫ ᱞᱮᱠᱟᱱ ᱠᱟᱨᱵᱳᱱᱮᱴᱮᱰ ᱧᱩᱣᱟᱜ ᱡᱤᱱᱤᱥ᱾ ᱡᱮᱜᱮᱛ ᱡᱟᱠᱟᱛ ᱫᱤᱥᱟᱹᱢ ᱯᱟᱲᱟ ᱨᱮᱱᱟᱜ ᱡᱚᱢ ᱦᱳᱴᱮᱞ, ᱫᱳᱠᱟᱱ ᱟᱨᱦᱚᱸ ᱮᱢᱟᱱᱛᱮᱭᱟᱜ ᱡᱟᱜᱟᱨᱮ ᱠᱳᱠᱟ-ᱠᱳᱞᱟ ᱫᱚ ᱟᱹᱠᱷᱨᱤᱧᱚᱜᱼᱟ᱾ ᱠᱳᱠᱟ-ᱠᱳᱞᱟ ᱠᱚᱢᱯᱟᱱᱤ ᱞᱮᱠᱟᱛᱮ ᱫᱷᱟᱹᱨᱛᱤ ᱨᱮᱱᱟᱜ ᱒᱐᱐ ᱜᱚᱴᱟᱝ ᱫᱤᱥᱟᱹᱢ ᱨᱮ ᱠᱳᱠᱟ-ᱠᱳᱞᱟ ᱟᱹᱠᱷᱨᱤᱧᱚᱜᱼᱟ᱾ ᱡᱩᱠᱛᱚᱨᱟᱥᱴᱨᱚ ᱨᱮᱱᱟᱜ ᱡᱚᱨᱡᱤᱭᱟ ᱥᱚᱦᱚᱨ ᱨᱮ ᱢᱮᱱᱟᱜ ᱠᱳᱠᱟ-ᱠᱳᱞᱟ ᱠᱚᱢᱯᱟᱱᱤ ᱱᱚᱧᱟ ᱧᱩᱣᱟᱜ ᱫᱚᱭ ᱛᱮᱭᱟᱨᱟ᱾ ᱠᱳᱠᱟ-ᱠᱳᱞᱟ ᱫᱚ ᱦᱩᱰᱤᱧ ᱛᱮ ᱠᱳᱠ (Coke) ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭ ᱜᱮᱭᱟ᱾
 | |
.jpg) Coca-Cola has retained many of its historical design features in modern glass bottles. | |
| ᱫᱷᱚᱨᱚᱱ | Cola |
|---|---|
| ᱵᱮᱱᱟᱣᱤᱡᱽ | The Coca-Cola Company |
| ᱮᱛᱦᱚᱵ ᱫᱤᱥᱟᱹᱢ | United States |
| ᱮᱛᱦᱚᱵ ᱮᱞᱟᱠᱟ | Atlanta, Georgia, U.S. |
| ᱯᱟᱹᱦᱤᱞ ᱩᱯᱨᱩᱢ | ᱢᱮ 8, 1886 |
| ᱨᱚᱝ | Caramel E-150d |
| ᱱᱟᱱᱟᱦᱩᱱᱟᱹᱨ ᱫᱷᱚᱨᱚᱱ |
|
| ᱱᱚᱝᱠᱟᱱ ᱮᱴᱟᱜ ᱧᱩᱧᱩᱣᱟᱜ | Pepsi RC Cola Afri-Cola Postobón Inca Kola Kola Real Cavan Cola |
| ᱳᱭᱮᱵᱽᱥᱟᱭᱤᱴ | coca-cola.com |
ᱠᱳᱠᱟ-ᱠᱳᱞᱟ ᱫᱚ ᱢᱤᱫᱴᱮᱱ ᱨᱟᱱ ᱞᱮᱠᱟᱛᱮ ᱵᱮᱱᱟᱣ ᱦᱩᱭᱞᱮᱱᱟ᱾ ᱩᱱᱤᱥ ᱥᱚᱛᱚᱠ ᱨᱮ ᱡᱚᱱ ᱯᱮᱢᱵᱟᱨᱴᱚᱱ ᱠᱳᱠᱟ-ᱠᱳᱞᱟ ᱵᱮᱱᱟᱣ ᱨᱮᱱᱟᱜ ᱯᱷᱚᱨᱢᱩᱞᱟᱭ ᱵᱮᱱᱟᱣ ᱞᱮᱫᱟ᱾ ᱵᱮᱵᱥᱟ ᱵᱟᱹᱱᱤᱡᱽ ᱨᱮ ᱠᱳᱠᱟ-ᱠᱳᱞᱟ ᱫᱚ ᱵᱟᱡᱟᱨ ᱨᱮᱭ ᱯᱷᱮᱰ ᱞᱮᱫᱟ ᱵᱮᱵᱥᱤᱠ ᱟᱥᱟ ᱜᱨᱤᱜᱽᱥ ᱠᱮᱱᱰᱮᱞᱟᱨ᱾ ᱩᱱᱤᱭᱟᱜ ᱵᱟᱡᱟᱨᱡᱟᱛ ᱨᱮᱱᱟᱜ ᱫᱷᱚᱨᱚᱱ ᱠᱟᱨᱚᱱ ᱛᱮᱜᱮ ᱠᱳᱠᱟ-ᱠᱳᱞᱟ ᱫᱚ ᱵᱤᱥ ᱥᱚᱛᱚᱠ ᱠᱷᱚᱱ ᱜᱮ ᱟᱹᱰᱤ ᱧᱩᱛᱩᱢᱟᱱ ᱧᱩᱣᱟᱜ ᱦᱤᱥᱟᱹᱵᱛᱮ ᱩᱯᱨᱩᱢᱮ ᱧᱟᱢ ᱟᱠᱟᱫᱟ᱾
ᱱᱟᱜᱟᱢ
ᱠᱳᱠᱟ-ᱠᱳᱞᱟ ᱨᱮᱱᱟᱜ ᱯᱟᱹᱦᱤᱞ ᱯᱷᱚᱨᱢᱩᱞᱟ ᱫᱚ ᱡᱚᱨᱡᱤᱭᱟ ᱨᱮᱱᱟᱜ ᱠᱚᱞᱚᱢᱵᱟᱥ ᱨᱮ ᱢᱮᱱᱟᱜ ᱤᱜᱚᱞ ᱰᱨᱟᱜᱽ ᱮᱱᱰ ᱠᱮᱢᱤᱠᱮᱞ ᱠᱚᱢᱯᱟᱱᱤ ᱨᱮ᱾ ᱱᱚᱣᱟ ᱨᱮᱱᱟᱜ ᱟᱥᱚᱞ ᱧᱩᱛᱩᱢ ᱫᱚ ᱛᱟᱸᱦᱮᱸᱠᱟᱱᱟ ᱠᱳᱠᱟ ᱚᱣᱟᱭᱤᱱ᱾
᱑᱘᱘᱖ ᱥᱮᱨᱢᱟ ᱨᱮ ᱟᱴᱞᱟᱱᱴᱟ ᱟᱨ ᱯᱷᱩᱞᱴᱚᱱ ᱠᱟᱣᱱᱴᱤ ᱮᱞᱠᱳᱦᱳᱞ ᱧᱩᱧᱩᱣᱟᱜ ᱵᱤᱨᱩᱫᱷ ᱟᱹᱭᱤᱱ ᱯᱟᱥ ᱞᱮᱱᱠᱷᱟᱱ ᱯᱮᱢᱵᱟᱨᱴᱚᱱ ᱠᱳᱠᱟ-ᱠᱳᱞᱟ ᱵᱮᱱᱟᱣᱮ ᱮᱛᱦᱚᱵ ᱞᱮᱫᱟ᱾ ᱱᱚᱣᱟ ᱫᱚ ᱵᱮᱜᱚᱨ ᱮᱞᱠᱳᱦᱳᱞ ᱢᱮᱥᱟᱞᱟᱜ ᱯᱷᱨᱮᱧ ᱚᱣᱟᱭᱤᱱ ᱠᱳᱞᱟ ᱛᱟᱸᱦᱮᱸᱠᱟᱱᱟ᱾
ᱵᱮᱱᱟᱣ
ᱠᱳᱠᱟ-ᱠᱳᱞᱟ ᱵᱮᱱᱟᱣ ᱞᱟᱹᱜᱤᱛ ᱞᱟᱛᱟᱨ ᱨᱮᱱᱟᱜ ᱡᱤᱱᱤᱥ ᱠᱚ ᱞᱟᱜᱟᱼᱟ:
- ᱠᱟᱨᱵᱚᱱᱮᱴᱮᱰ ᱫᱟᱜ
- ᱪᱤᱱᱤ
- ᱠᱮᱯᱷᱮᱭᱮᱱ
- ᱯᱷᱚᱥᱯᱷᱚᱨᱤᱠ ᱮᱥᱤᱰ ᱥᱮ ᱠᱮᱨᱟᱢᱮᱞ (ᱤ᱑᱕᱐ᱰᱤ)
- ᱧᱩ ᱥᱤᱵᱤᱞ
ᱢᱤᱫ ᱠᱮᱱ ᱠᱳᱠ ᱨᱮ ᱓᱙ ᱜᱨᱟᱢ ᱥᱚᱨᱠᱚᱨᱟ ᱛᱟᱸᱦᱮᱸᱱᱟ᱾ ᱚᱱᱟ ᱥᱟᱶ ᱕᱐ ᱢᱤᱞᱤᱜᱨᱟᱢ ᱥᱳᱰᱤᱭᱟᱢ, ᱑᱔᱐ ᱠᱮᱞᱚᱨᱤ ᱛᱟᱸᱦᱮᱸᱱᱟ᱾
ᱵᱟᱨᱦᱮ ᱡᱚᱱᱚᱲ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱠᱳᱠᱟ-ᱠᱳᱞᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.