अश्वत्थः सर्ववृक्षाणां...

 

अश्वत्थः सर्ववृक्षाणां देवर्षीणां च नारदः ।
गन्धर्वाणां चित्ररथः सिद्धानां कपिलो मुनिः ॥ २६ ॥

अयं भगवद्गीतायाः दशमोऽध्यायस्य विभूतियोगस्य षड्विंशतितमः(२६) श्लोकः ।

अश्वत्थः सर्ववृक्षाणां देवर्षीणां च नारदः गन्धर्वाणां चित्ररथः सिद्धानां कपिलो मुनिः ॥ २६ ॥

सर्ववृक्षाणाम् अश्वत्थः देवर्षीणां च नारदः गन्धर्वाणां चित्ररथः सिद्धानां कपिलः मुनिः (अस्मि) ।

सर्ववृक्षाणाम् = सकलतरूणाम्
अश्वत्थः = अश्वत्थवृक्षः
देवर्षीणाम् = सुरमुनीनाम्
नारदः = नारदमहर्षिः
गन्धर्वाणाम् = गन्धर्वाणाम्
चित्ररथः = तन्नामकः प्रसिद्धगन्धर्वः
सिद्धानाम् = जन्मतः ज्ञानादिशालिनाम्
कपिलः मुनिः = कपिलनामधेयः मुनिः ।

सर्वेषु वृक्षेषु अहम् अश्वत्थः अस्मि । देवमुनिषु अहं नारदः । गन्धर्वेषु चित्ररथः अस्मि । जन्मना एव ज्ञानैश्वर्यादिकं प्राप्तवत्सु सिद्धेषु अहं कपिलमुनिः अस्मि ।

• भगवद्गीता (मूलश्लोकाः)
• भगवद्गीता

• संस्कृतम्
• श्रीमद्भगवद्गीता
• शङ्कराचार्यः
• रामानुजाचार्यः