न तु मां शक्यसे द्रष्टुम्...
श्लोकः
अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- न तु मां शक्यसे द्रष्टुमनेनैव स्वचक्षुषा ।
- दिव्यं ददामि ते चक्षुः पश्य मे योगमैश्वरम् ॥ ८ ॥
अयं भगवद्गीतायाः एकादशोऽध्यायस्य विश्वरूपदर्शनयोगस्य अष्टमः(८) श्लोकः ।
पदच्छेदः
न तु मां शक्यसे द्रष्टुम् अनेन एव स्वचक्षुषा दिव्यं ददामि ते चक्षुः पश्य मे योगम् ऐश्वरम् ॥ ८ ॥
अन्वयः
अनेन स्वचक्षुषा एव मां द्रष्टुं न शक्यसे । ते दिव्यं चक्षुः ददामि । ऐश्वरं मे योगं पश्य ।
शब्दार्थः
- अनेन = एतेन
- स्वचक्षुषा एव = स्वनेत्रेण एव
- मां द्रष्टुम् = माम् अवलोकितुम्
- न तु शक्यसे = न समर्थः भवसि
- ते = तुभ्यम्
- दिव्यम् = अलौकिकम्
- चक्षुः = नेत्रम्
- ददामि = यच्छामि
- ऐश्वरम् = ईश्वरसम्बन्धि
- मे योगम् = मम सामर्थ्यम्
- पश्य = अवलोकय ।
अर्थः
एतेन नेत्रेण एव मां द्र्ष्टुं त्वं समर्थः न भवसि । अतः तुभ्यम् अलौकिकं नेत्रं यच्छामि येन ईश्वरस्य मम असाधारणं सामर्थ्यं पश्य ।
सम्बद्धसम्पर्कतन्तुः
सम्बद्धाः लेखाः
This article uses material from the Wikipedia संस्कृतम् article न तु मां शक्यसे द्रष्टुम्..., which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). भिन्नोल्लेखः यावत् न भवेत्, तावत् CC BY-SA 4.0 इत्यत्र उल्लेखो भवति । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki संस्कृतम् (DUHOCTRUNGQUOC.VN) is an independent company and has no affiliation with Wiki Foundation.