Суфикс
Суфикс е часть слова, котра ся находить меджи корѣньом и флексиов.
Меджи корѣньом и флексиов може быти веце як еден суфикс, або не быти жаден, напр.:
| Формы слова | Суфикс(ы) |
|---|---|
| нес-у, нес-еш, нес-е | — |
| чит-а-ти, чит-а-м, чит-а-ли | -а- |
| чит-а-тель, чит-а-тель-ом | -а-,-тель- |
| чит-а-тель-к-а, чит-а-тель-ц-ѣ | -а-,-тель-, -к- (-ц-) |
Етимология
Термин походить од лат. suffíxus, што значить прикрѣпленый.
Типы суфиксох
Суфиксы роздѣлюють на словотворны и граматичны.
- Словотворны, англ. derivational, выступають як самостойне средство словотворбы, або як елемент комплексной словотворбы: префиксално-суфиксалной, зложеносуфиксалной: тер-ти, тер-лиц-я, тер-т-ый, у-тер-ак, тер-л-ов-ый — розличны части речи и лексемы.
- Граматичны (флективны), англ. grammatical (flectional), творять граматичны формы слова; коп-а-ти, коп-ка-ти, коп-ну-ти — варианты едного часослова, Сак, Сак-ов-а — варианты едного призвиска.
Жерела и одказы
- Гарайда, Иван: Грамматика руського языка. Унгваръ, 1941.
- Жеребило Т. В.: Словарь лингвистических терминов. Изд. 5-е. Назрань: изд-во ООО «Пилигрим», 2010. — 488 с. ISBN 978-5-98993-133-0
- Сабовъ, Евм. Ив.: Грамматика русскаго языка для среднихъ учебныхъ заведеній Подкарпатской Руси. Ужгород, 1924.
Референции
This article uses material from the Wikipedia Русиньскый article Суфикс, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.