Сама

слуханя) — в суфизмѣ колективный набоженскый ритуал, допроваджаный выспѣваньом вершох мистичного обсягу, танцьом з обертанями ай музиков. Цѣль ритуала — привести участникох в набоженскый транс.

На зачатку ритуал сама быв остро критизованый теологами. Поступно ку участи в самѣ зачали приимати и мирян, а од конця XVII. стороча в дакотрых братствах (маулавия, шазилия) ритуал ся перетворив на шоу, до котрого были допущаны ай европане. Ритуал захоронив ся найлѣпше в суфийском братствѣ маулавия, котре походить з Турции, де было основане в року 1273, але в самой Турции было в року 1925 в процесѣ секуларизации владов заказане.

В сучасности братство маулавия захранило ся в заграничу, напримѣр в Алеппо, Сирия. В року 2008 ритуал сама быв записаный на листу Нематериалной културной дѣдовизны UNESCO. Од 1990-х рокох ай в Турции послаблены рештрикции. Окремы приватны групы пробують обновити первотный интимный и духовный обсяг ритуала. Але за тоты рокы, што братства были в илегалности, ритуал сама в телевизных высыланях фокусовав ся переважно на музику и танець, а так ся з нього вытратив набоженскый обсяг. Наслѣдком того во векшинѣ припадох ся сама стала туристичнов атракциов, без духовного обсягу, а з комерчных доводох быв ритуал упрощеный и покуртаный.

• Башарин П. В.: Сама //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. (ISBN 978-5-8291-1084-0 Академический Проект) (ISBN 978-5-98426-067-1 Гаудеамус) русс.
• Mevlevi Sema ceremony. UNESCO:Intangible cultural heritage. https://ich.unesco.org/en/RL/mevlevi-sema-ceremony-00100. [перевірено 2020-06-06]. англ.

 

Вікісклад має мултімедіалны дата на тему:

Сама