Барон Мюнхаузен: фиктивна литературна постава
Барон Мюнхаузен — фиктивна особа, литературна постава, створена нѣмецкым писательом Рудолфом Ерихом Распе, але тот литературный образ е звязаный з особов реално жившого нѣмецкого шляхтича, реалного барона Мюнхаузена, властным меном нѣм.
| Барон Мюнхаузен | |
|---|---|
| нѣм. Karl Friedrich Hieronymus Freiherr von Münchhausen | |
 В часѣ службы в Ризѣ, ок.1745 | |
| Чинность | вояк, авантуриста, повѣдкарь |
| Горожанство | Брауншвейг-Люнебург |
| Уроджѣня | мая 11, 1720 |
| Боденвердер, Священна римска империя | |
| Упокоеня | фебруара 22, 1797 (76 р.) |
| Боденвердер, Священна римска империя | |
| Участь | Російсько-турецька війна |
| Язык творов | Нїмецькый |
 Барон Мюнхаузен на ВікіскладѣVIAF:30329081; GND:118585487; LCCN:no2002101983; FAST:486232; BNF:119462100; NLKR/NLC:jn20000701288; | |
- Реална особа
- Реалный барон Мюнхаузен родив ся 11. мая 1720 в Боденвердеру тогдышной землѣ Гановер, днесь Нижня Саксония, умер тыж там 22. фебруара 1797. Быв на службѣ в российском войску в роках войны з Турками (1735 – 1739), а пензионованый в року 1760, жив во свойом родинном маетку яко дробный шляхтич. Став ся славным на цѣлу землю Гановер яко росповѣдач необычайных историй о свойой службѣ в России и пригодах вояцкых, ловецкых и шпортовых. В роках 1781 – 1783 появила ся книжка Vademecum für lustige Leute (Порадник про веселу челядь), котру приписовали барону, але дакотры з тых историй пак были найдены в намного скоршых жерелах.
- Литературна постава
- Барон Мюнхаузен в литературной подобѣ росповѣдача неправдоподобных историй родив ся в року 1785, коли в Лондонѣ на основѣ необычайных историй барона вышла книга под титулом Baron Munchausen’s Narrative of His Marvellous Travels and Campaigns in Russia (Росповѣдь барона Мюнхаузена о його чудесных путованях и пригодах в России) Книга вышла безименно, а ей автор Рудолф Ерих Распе до конця свого живота не признав ся до авторства. Уже в року 1786 другый нѣмецкый писатель, Готтфрид Август Бюргер переложив тоту книжку по нѣмецкы, а штоскоро появили ся выданя инде по свѣтѣ, найчастѣйше затитулованы як Пригоды барона Мюнхгаузена, котры стали ся свѣтовым бестселером.
- Мюнхаузен и днешность
- Меджи неправдоподобныма пригодама барона суть: лет на каноновой кули, путованя на Мѣсяць, вытягнутя самого себе за волося з мочари и подобны. В родиску барона, Боденвердеру, чинный музей, а о його пригодах напоминають статуи. Имя барона увѣчнено тыж в медицинѣ: синдромом Мюнхгаузена названа симулация хвороты, коли особа штучныма способами выволать у себе симптомы хвороты, жебы была вызнана пациентом.
Жерела и одказы
- Baron Münchhausen. Encyclopædia Britannica, inc.. May 07, 2020. https://www.britannica.com/biography/Baron-Munchhausen-Hanoverian-storyteller. [перевірено 2020-05-17].англ.
Референции
This article uses material from the Wikipedia Русиньскый article Барон Мюнхаузен, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.