КГБ СССР, повнов назвов русс.
КГБ одповѣдало тыж за охрану политичных лидерох, дозор за пограничныма войсками и тайный политичный дозор за обывательством.
КГБ СССР | |
Гесло | Вѣрность Партии – Вѣрность Отчинѣ |
---|---|
Взник | 13. марца 1954 |
Заник | 3. децембра 1991 |
Працовникох | 480 000 |
13. марца 1954 из Министерства внутра (русс. Министерство внутренних дел СССР) были выокремлены органы, одповѣдаючы за безпеку, котры вошли до штруктуры, названой КГБ при Радѣ Министрох СССР. КГБ фунговало под прямым дозором КПСС. В штруктурѣ было около 20 директоратох (русс. управление), такых як, примѣром:
Окремому директорату были подряджены пограничны войска. В року 1974 до штруктуры додали антитерористичны оддѣлы Алфа и оддѣлы про диверзии в заграничу Вымпел, а в конци 1980-х — войсковы десантны оддѣлы, котры придушовали антисовѣтскы и националистичны проявы в периферных републиках.
В августѣ 1991 КГБ з его предсѣдательом В. А. Крючковом брали участь в организации державного переворота, котрый скраховав. В резултатѣ тото 3. децембра 1991 Президент СССР М. С. Горбачов подписав закон, котрым была организация ликвидована.
На верху свого вывоя КГБ было найвекшов тайнов полициев и розвѣдков свѣта зоз персоналом, котрый сягав за 480 000 особ (з того 200 000 вояци пограничных войск).
КГБ успѣшно добывала в заграничу научны и техничны информации о новых выробках и материалах: лем за рок 1987 добыли 29 тысяч материалох и 11 тысяч взорох, з чого около третины ся дотыкало военно-промыслового сектора.
Авшак во внутри державы КГБ выступало як стражный пес партии и практиковало репресии против дисидентох. Люде, котры критиковали совѣтскый режим были незаконно насилно поддаваны лѣчѣню на психиатрии.
Як штруктура, обслужуюча интересы партии, КГБ терпѣло на тоты исты проблемы неефективного урядництва и корупции, што и склеротичны лидеры партии. Найлѣпшый доказ того, же наперек своей хваленой шиковности, КГБ не мало добрых аналистох, котры бы вырисовали вѣрный образ упадаючого режима, и не было способне предбѣгнути колапсу СССР.
This article uses material from the Wikipedia Русиньскый article КГБ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.