Ученый

Роздѣлы и сполочне
Учены можуть ся значно роздѣляти:

• подля приступу ку штудированю предмета: прийти на резултат з великого числа мѣрянь и широкого погляду на предмет (штатистика), або занимати ся узкым и конкретным явом и фактом (природны наукы)
• подля предмета штудий, напримѣр, молекулы и кришталы (хемици), або звѣзды (астрономы)
• подля сферы поужытя резултата (фундаменталны и апликованы наукы)

Але вшиткы они выникають своев ужаснов любознателностьов и неодступнов вольов ей задоволити.

10 типох ученых

1. учены-бизнисовцѣ — рѣшають вопросы манажмента и розвою продукции великых компаний
2. учены-комуникаторы — в телевизии, рекламѣ, социалной сферѣ, де треба знати як пробудити довѣру людей
3. учены-вывоярѣ — на основѣ научного знатя выпрацовують новый перспективный продукт, котрый буде мати одбыт
4. учены-инноваторы — маючи добру научну основу, суть способны увидѣти новы можности не лем в бизнесѣ, але и в публичном тай иншых секторах сполоченства
5. учены-выгледователѣ — рѣдко ся фокусують на конкретном выслѣдку, про них е важне добыти еще дашто таке, што наука дотеперь не розумѣла и не знала
6. учены-выдобывателѣ — росширяють и проглубляють научне знатя, добываючи новы факты, мапуючи и прокладуючи дорогу про тых, што будуть способны тоты факты розвити и перетворити в хосенны апликации
7. учены-политологы — розвивають и поуживають науку в практичном урядованю, законотворѣню и розличных сферах сполоченского живота
8. учены в регулации и мониторованю — контролують и регулують безпечность потравин, промысловой продукции и технологий и беруть участь в легислативной регулации
9. учены-педагогы — передавають и ширять науку и приготовляють далшы генерации ученых
10. учены-апликанты — в здоровництвѣ, судовой медицинѣ, тестованю материалох и подобных сферах, потребуючых высоку квалификацию

• Our definition of a scientist. //The Science Council (assurance system for scientists) [1]
• 10 types of scientist. //The Science Council (assurance system for scientists) [2]

 

Вікісклад має мултімедіалны дата на тему:

Ученый