Донецка Людова Република: не вызнаный штат

Сама Україна означуе Донецьку Людову Републику за «терорістічну орґанізацію на окупованій теріторії Донецької области» и зачала проти ней «антітерорістічну операцію (АТО)» (укр. Антитерористична операція); подля украинской легислативы, на означіня понятя «Донецька Людова Република» треба поуживати правилный термин «окупаційна адміністрація Російської Федерації в окупованій Донецькій області».

Донецка Людова Република рос. Донецкая Народная Республика укр. Донецька Народна Республіка
Головне місто		Донецьк 48°00′N 37°48′E / 48.000°N 37.800°E / 48.000; 37.800
Урядный язык		російскый, україньскый
Влада		Унітарный штат
-	"Презідент"	Денис Пушилин

Процес ся зачав 7. апріля 2014, коли сепаратісты, як їх называть Україна, заяли будинок Донецькой облдержадміністрації, а наступно выголосили на 11. мая референдум о независлости своёй псевдреспубликы, котру назвали Донецка Людова Република.

13. апріля 2014 «дочасный презідент» Україны, Олександер Турчинов, выголосив зачаток антітерорістічной операції против незаконных збройных формацій із насаджінём збройных сил Україны.

11 мая на части теріторії Донбаса одбыв ся анонсованый референдум о независлости ДЛР, на котрому, подля сепаратістів, около 90 % населїня, што пришло на референдум, проголосовали за независлость. На основі того проводця донецкых сепаратістів Денис Пушилин выголосив независлость «людовой републикы».

Російська Федерація удїлює сепаратістам ДЛР всяку воєньску, економічну, торговну тай дипломатичну поміч, але самы російскы водці денонсують тот факт і выголошують, ож жителї Донбасу ведуть войну против «злочинного режиму» в Українї. Подля шацованя Crisis Group Europe and Central Asia Briefing N°79 (5 February 2016) тото обтяжує російскый буджет о $1 млрд рочно.