Анексия

На роздѣл од одступлѣня або продажу через договор, анексия — еднобочный акт, котрый ся реализуе через фактичне властництво, а легитимизуе ся через всеобще вызнаня. Анексия — насилницкый акт.

За военнов окупациев може наслѣдовати анексия, котра не мусить быти прямо насилницка, може ся реализовати лем под грозьбов насилства, як напримѣр аншлус Австрии Германиев в року 1938.

Слово походить од лат. annexio – прилучѣня. Первый раз поужив го Наполеон III. в торинской конвенции з року 1860 на означѣня прилучѣня Савои и Ниццы ку Франции на основѣ слободного плебисциту обывательства той територии.

Ци мусить быти плебисцит е спорне, были прецеденты вызнаня анексий без плебисцита.

Меджинародне право не дефинуе формалиты, дотычны анексии. Тоты ся основують на конштитуции и прецедентѣ. Споены Штаты анектовали Тексас в року 1845 и Гавай в року 1898 сполочным рѣшѣньом Конгреса. Италия анектовала Етиопию в року 1936 декретом свого краля.

Анексия легитимна при двох условиях, а то:

1. спочивать на догодѣ або иншом правоплатном доказѣ набытя;
2. анектована територия перед тым мала суверениту и завязкы, котры пак цѣлком переберать анектор.

Напротив, кедь тых основ не е, анексия грубо нарушуе суверениту иншого штату, хоть бы ся ай одкликовала на плебисцит.

• Ottův slovník naučný. Illustrovaná encyklopaedie obecných vědomostí. Díl 1–28. Vyd. J. Otto. V Praze, 1888–1909.
• Бацак К. Ю.: Анексія. //Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2003-2013. ISBN 966-00-0632-2; 2003 т. 1 ISBN 966-00-0734-5, с. 89.

Бацак К. Ю.. АНЕКСІЯ (по украинскы). ІНСТИТУТ ІСТОРІЇ УКРАЇНИ. http://www.history.org.ua/?termin=Aneksiia. [перевірено 2019-05-24]. 

• Annexation (по англицкы). Encyclopaedia Britannica. https://www.britannica.com/topic/annexation. [перевірено 2019-05-24]. 

 

Вікісклад має мултімедіалны дата на тему:

Анексия