Польско-литовска уния — федерация Польского кральовства и Литовского великого княжества, котра взникла з Люблинской унии (1569) и заникла роздѣлѣньом меджи Россиев, Пруссиев и Австриев (1795).
Польско-литовска уния пол. Królestwo Polskie i Wielkie Księstwo Litewskie літ. Lenkijos Karalystė ir Lietuvos Didžioji Kunigaikštystė
| |||||||||||||
Гимна: Gaude Mater Polonia | |||||||||||||
Гесло: Si Deus nobiscum quis contra nos (Кедь Бог з нами, та ко против нас) | |||||||||||||
География | |||||||||||||
Розлога | 1 153 465 km² (1650) | ||||||||||||
Обывательство | |||||||||||||
Число | 11 000 000 (1650) | ||||||||||||
Державна организация | |||||||||||||
Форма влады | |||||||||||||
Взник | 1. юл 1569 | ||||||||||||
Заник | 24. октобер 1795 | ||||||||||||
|
Польско-литовска уния екзистовала понад два стороча и была другов найвекшов державов в Европѣ по России.
По смерти Жигмонда І. в року 1548 польскым кральом став ся его сын Жигмонд ІІ. Август, на котром ся скончила династия Ягелонска, яко же быв бездѣтный. З той причины, хотячи бизовнѣйше звязати кральовство, скликав в року 1569 до Люблина сойм, а там схвалили так звану Люблинску унию. Подля той Польща, Литва и их украинскы землѣ на сѣвер од Дикого Поля стали ся еднов державов, што звала ся Рѣчь Посполита. Договор унии подписали 26. юна 1569, а пак польскый и литовскый соймы поокреме схвалили го 1. юла 1569. 4. юла 1569 договор ратификовав польскый краль Жигмонд ІІ. Август, котрый так ставав ся сполочным монархом унии.
Главным городом быв Краков, де мали ся одбывати корунации и погребы монархох. Сполочный сойм мав ся зберати во Варшавѣ. Уния мала сполочны мытны границѣ, вонкашну политику и валуту, але ерар кажда держава мала поокреме, як и окремое войско и судництво. В Литвѣ тыж зоставав окремый официалный язык — рутенскый язык, котрый хосновав кирилицю.
В социалной штруктурѣ привилегована была шляхта, котра чинила 10% обывательства. Лем шляхта могла занимати державны уряды, в том числѣ и быти посланцями сойма. Шляхта не мала права жити в городах, ани занимати ся ремеслами. Лем шляхта могла властнити землю и подданых селян. Повинностьов шляхты была участь в «посполитом рушѣню», циже збройной домобранѣ. Селяне, «хлопы», были в повной зависимости од пана-шляхтича, котрый годен быв их судити, аж и на смерть. Варощане были под охранов Магдебургского права, але не были представлены в соймѣ, были ограничены в торговли. Ку социалным проблемам додавала ся нееднотность шляхты: богаты магнаты могли мати у себе на службѣ по 200–300 шляхтичох, хоть формално они мали еднакы права и статус зоз магнатом.
Перве стороча унии минуло односно стабилно. Рѣчь Посполита мала успѣхы во войнах з Россиев и Турциев. Але при успѣхах на востоку поробила хыбы на западѣ. В року 1611 польско-литовскый сойм передав маркгрофу Бранденбургскому дѣдичны права на Герцогство Пруссия, котре было вазалом Польского кральовства, што поступно вело ку взнику силной прусской державы-противника и утраты територий. Середина XVII. стороча принесла далшу катастрофу, котров ся закончило повстаня Богдана Хмелницкого, што спровоковало довгорочне замѣшаня ся до конфликта России и Швеции, ци то во формѣ отвореной войны, або дипломатичной. Рѣчь Посполита потребовала реформы военскы, социалны и газдовскы, але против тому ишло право вета, котре в соймѣ давало можность хотькотрому шляхтичу ветовати всяку реформу. XVIII. стороча приносить еще и вплыв вонкашных противникох реформ: розмогшы ся Россия и Пруссия, опираючи ся на проблему додержаня прав некатоликох гамовали потребны перемѣны. Интригы, дипломатичны и остры войны привели на три дѣлѣня Польщѣ: 1772, 1793, 1795 — и конець Рѣчи Посполитой.
This article uses material from the Wikipedia Русиньскый article Польско-литовска уния (1569–1795), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.