Александр II.
Николаевич Романов (Ослободитель), *17. апрѣль (29. апр.) 1818, Москва –†1. марец (13. мар.) 1881, Санкт-Петербург — передпослѣдный российский император (од 19. фебруара (2. мар.) 1855). За выслободжѣня милионох селян зо стану панщарского подданства, ай балканскых народох спод османского ярма достав прозывку Ослободитель.
Александр II. Николаевич | |
---|---|
Император и самодержець Всероссийскый, царь Польщѣ, великый князь Финландии | |
Панованя | 18. фебруар 1855 – 1. марец 1881 |
Корунация | 26. август 1856, Москва |
Предходник | Николай I. |
Наступник | Александр III. |
Уроджѣня | 17. апрѣль 1818, Москва |
Смерть | 1. марец 1881 (62 рокы), Санкт-Петербург |
Погребѣня | Петропавловскый собор |
Династия | Романовцѣ |
Конфесия | православие |
Быв старшым сыном великого князя Николая Павловича, (од року 1825 — император Николай I. Павлович) и его жены Александры Федоровны (до сопружества з великым князьом и покрещѣня в православие — принцезна Шарлотта Прусска).
Во внуторной политицѣ зреализовав Селянску реформу (1861) и цѣлый ряд либеральных реформ (1860–1870-ы), котры приспѣли ку модернизации державы:
Розбудовав желѣзницѣ за час свого панованя од 965 км до 22 525 км, што оживило економику. Лайтмотивом тых реформ была модернизация России, выслободжѣня од феодализма и принятя западной културы и технологий. Основов реформ было знижѣня класовых привилегий, гуманитарный прогрес и економичный розвой.
Во вонкашной политицѣ росширив спектр напрямох: окрем европского и выходного додав середньоазийскый и далековыходный.Зачав панованя в часѣ Крымской войны (1853–1856), поражка в котрой змусила го до реформ в державѣ. Наперек тому, же война была програна, царской дипломатии ся удало застачити мирны условия, потребны про внуторны реформы; вывести Россию з меджинародной изолации; пак змягчити поражку в Крымской войнѣ, добивши ся скасованя в року 1871 рештриктивной статьи Парижского мирного уклада 1856 о невтрализации Чорного моря и утримовати ровновагу в Европѣ, де ся Россия переважно ориентовала на Германию и Австро-Мадярщину, з котрыма в року 1873 подписала даколько догод.
На южном напрямѣ выступив по боку повсталых против турецкого султана балканскых народох (балканска криза 1875–1877, русско-турецка война 1877–1878, Сан-Стефанскый мирный договор 1878). На середньоазийском и далековыходном напрямѣ реализовав програму прилучѣня Середньой Азии; Айгунскый договор 1858 и Пекинскый договор 1860 з Китайом; Симодскый и Петербургскый договоры з Япониев (1858 и 1875). Добыча приморскых провинций од Китая (1858 и 1860) з верхом переважила продаж Аляскы США (1867), а завоеваня Середньой Азии поклало основу того, што мож назвати российским «памутовым империализмом».
Либерализация политикы привела ку наросту револучных рухох и тероризма, на императора были учинены шѣсть атентаты, з котрых послѣдный досяг свою цѣль. 1. марца (13. мар.) 1881 Александр II. Ослободитель быв забитый въедно з даколькыма людми охраны в резултатѣ терористичного акта, учиненого членами организации Народная воля.
This article uses material from the Wikipedia Русиньскый article Александр II. Николаевич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.