Александр Солженицын, русс. Алекса́ндр Иса́евич Солжени́цын, *11. децембра 1918, Кисловодск, Россия — †3. августа 2008, Москва, Россия — русскый писатель, драматик, публициста, поет, сполоченскый дѣятель, дисидент, лавреат Нобеловой награды (1970). В роках 1974-1994 творив на выгнаню за границями СССР.
Александр Солженицын | |
---|---|
Александр Исаевич Солженицын | |
Уроджѣня | 11 децембра 1918 Кисловодск, Россия |
Умертя | 3 авґуста 2008 (89 р.) Москва, Россия •сердцьова недостаточность |
Погреб | Нове Донське кладовище |
Занятя | писатель |
Язык творох | російскый |
Народность | Рус |
Горожанство | Російська Соціалістична Федеративна Радянська Республіка, СССР, Росія |
Alma mater | Ростовска универзита |
Участь | німецько-радянська війна |
Ідеологія | ленінізм |
Реліґія | Російська православна церква |
Час творбы | 1959-2008 |
Жанры | повѣсть, повѣданя, публицистика, есей, роман |
Батько | Исаакий Семёнович Солженицын |
Матір | Таисия Захаровна Щербак |
Дѣти | Ігнат Солженіцин |
Вызначны роботы | Еден день Ивана Денисовича, Матренино обыстя, Архипелаг ГУЛаг, Оддѣлѣня раковины |
Одзнакы | |
Нобелова награда, 1970; Академик РАН, 1997; | |
Офиц. сайт | |
Александр Солженицын | |
VIAF:95215697; GND:118642464; LCCN:n79022878; FAST:1716925; BNF:119251102; NLKR/NLC:jn19990210579; OL:OL222507A; ЕІУ:Solzhenitsyn_OI; |
Отець писателя, Исаак Солженицын, быв офицер царского войска и умер при негодѣ на ловах еще до уроджѣня сына. Мати, Таисия Щербак, была дѣвка заможного украинского газды, в року 1917 оддала ся за Исаака Солженицына, але неодовго в пореволучных непокоях их обыстя было спустошене и перенесла ся в року 1924 з дѣтваком до Ростова, де жыли «невѣроятно тяжко».
В року 1936 закончив школу, а в року 1941 — физико-математичну факулту Ростовску универзиты. В в роках 1941-1945 перебывав во войску, абсолвовав офицерскый курз и дослужив ся на фронтѣ до шаржи капитана, але 9. фебруара 1945 быв арештованый в Восточной Пруссии и засудженый на 8 рокы працовно-поправного лагра и наступне выгнанство за антисовѣтску агитацию.
Лагрову добу перебыв переважно яко задарный фахман в радио и телефонии. В року 1952 была му диагностована раковина, и быв оперованый, успѣшно. По лагру в роках 1953-1956 яко высланый «навѣкы» на выгнанство в аул Кок-Терек Джамбулской области Казахстана, учительовав в середной школѣ и долѣчовав раковину в Ташкентѣ на «оддѣлѣню раковины». В року 1956, в новой добѣ, што пришла по смерти Сталина, были выпущены на волю вшиткы политичны арештанты (статья 58), и вернув ся до России, а в року 6. фебруара 1957 быв регабилитованый Военнов коллегиев Найвысшого суда СССР.
В року 1940 оженив ся з Наталиев Решетовсков. Мав з нев двох сынох: Ермолая (1970) и Игната (1972). В року 1972 розвели ся. В року 1973 побрав ся з розведенов Наталиев Свѣтловов (рожд. Великороднов, *1939), з нев мав сына Степана (1973).
В року 1959 написав повѣданя Щ-854 (Еден день едного зека), котрое под назвов Еден день Ивана Денисовича было напечатане з особной санкции Н. Хрущова в журналѣ «Новый мир» (1962, № 11), редагованом А. Твардовскым. Тота публикация, указуюча реалии сталинизма, принесла автору свѣтову славу, быв поданый кандидатом на Ленинову награду. Але по падѣ Н. Хрущова (октобер 1964) Солженицын став ся объектом атак. В року 1969 быв выгнаный зо Сполку писательох СССР и взятый под дозор державной безпекы. Але по тому, як в року 1970 достав Нобелову награду за литературу, и его публикации дале появляли ся за границьов, быв в року 1974 арештованый, збавленый гражданства и выгощеный за границю.
По падѣ комунистичного зряджѣня в року 1990 декретом Президента СССР было Солженицынови вернуто гражданство, и 27. мая 1994 вернув ся до России, театрално перейшовши цѣлу Россию од Владивостока до Москвы. В року 1997 выбраный академиком РАН. Выступовав з критиков политикы Б. Ельцина, не прияв од него награды, мотивуючи, же не годен прияти награду од влады, што привела Россию до пропасти. По приходѣ ку владѣ В. Путина перестав критиковати политику влады и принимав од ней награды и почести. 12. юна 2007 В. Путин персонално приѣхав до Солженицина, обы му передати Державну награду.
Колегы по перу и критикы были в захватѣ при его первых публикациях. Але по часѣ, по далшых публикациях и их уважном прочитаню поднесло ся немало критикы.
„ | Стоячи за Русох, фурт уражать вшиткых иншых, ани сам тото не внимать. Яку народность спомяне — Украинцьох, Казахох, Татарох, Чеченох — мусить за ню повѣсти дашто мерзкое... Тема «Я и Россия» — вѣчна в его творбѣ. За Россию никого так душа не болить, як его, и Россия без него не годна довго быти... Суродникох десь на Кубани навщивив (под телекамерами), выпив з нима децу — и такой гет. Просять го: «Тадь мало бы-сь еще побыв». Вповнѣ серио одповѣдать: «Не е коли. Россия чекать». (Так и хотѣло ся повѣсти на камеру: тадь не понагляйте ся, у России часу доста, она почекать.) Од славы и всеобщой хвалы обертать ся му в головѣ. | ” | |
|
Погляды Солженицина не раз поддавали ся критицѣ. Напримѣр, неточности в опису лагровых реалий, числа жертв комунистичных репресий и др. Его «штудии» истории Жидох в России в книзѣ Двасто рокы въедно вызвали активну критику як з боку многых жидовскых публицистох, так и русскых националистох. Статья Як бы нам зарядити Россию («Как нам обустроить Россию?»), в котрой Солженицин учить Украинцьох, як ся мають справовати ку России, подняла бурю критичных голосох на Украинѣ.
Хронология:
This article uses material from the Wikipedia Русиньскый article Александр Солженицын, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.