Александрия: другый найвекшый город Египта

Простерать ся над 30 км вздовж берега Середоземного моря.

Главный пристав Египта Александрия ар. الإسكندرية (al-ʾIskandariyyah) Застава Герб Держава ЕгипетЕгипет Губернаторство Александрия (al-ʾIskandariyya) Координаты 31.2, 29.91666731°12′00″ с. ш. 29°55′00″ в. д. / 31.2° с. ш. 29.916667° в. д. (G) (O) (Я) Розлога 300 км² Обывательство 5 379 488 особ (2021) Часова зона UTC+2 Телефонный код +20 03 Поштовый индекс 21ххх Официалный сайт [1] ар.англ.фр. Александрия Александрия на Викискладѣ

Лежить на западном краю делты Нила, оддалена од главного города Каиро о 183 км на сѣверовыход. Плоха города 300 км².

Александрия была основана Александром Великым в року 332 до н. е. Быв то в минулости еден из найвекшых городох Середоморя и центер елинистичной наукы и културы, неодовга од момента основаня аж до ей завойованя в року 642 — главный город Египта.

В року 30 до н. е. Александрия, повоевана Римлянами, ставать ся римсков провинциев, а од конця IV. стороча частьов Византской империи, але в обох припадах зоставать великым културно-економичным центром.

Под Арабами, утративши статус главного города ставать ся переважно центром морской торговлѣ и ремеселной продукции, од XV. стороча просперуючым транзитным пунктом меджи регионом Червеного моря и Середоморьом.

По основаню Каира (969) Александрия зачинать упадати: в добѣ проспериты мала 1 млн. обывательох, але в року 1517 была завоевана и спустошена Османами, пережила период епидемий и в року 1798 тото число упало до 10 000. Обродила ся од зачатку XIX. стороча, коли в року 1819 были выставлены новы лодярнѣ и канал Ел-Махмудия, а в року 1856 — желѣзниця од Каира.

Александрия ся ставать модерным козмополитичным городом, мало што маючым зо своев давнинов, великым центром процвѣтаючого бизниса памутовой продукции, все векшу роль мать бизнис Леванта. Въедно з тым, выросле привязаня ку долинѣ Нила, а з ним приток домородцьох з глубины Египту вели ку наростаню национализму. Александрия была силно збомбардована при завоеваню Египта Британиев (1882), одбудована и обернута на колониалный пристав на вывоз памута и военску базу британской флоты. Наступно стала ся едным центром ослободителного боя в роках 1919–1921, 1923–1924, 1927, 1930, 1945–1948, 1950–1951.

Характер
Теперѣшня Александрия — найвецей европеизованый город Египта. Од приставового пасма оддѣленый палмовыма алеями. Стара часть хаотично забудована, заховали ся памятникы з добы кральовства Птолемейох и новшы. Нова часть прямокутно спланована, з широкыма булварами, парками, каштелями и помпезныма будовлями.
Економика
Великый торгово-промысловый центер. Рафинерии ропы, подприятя хемичны, металургичны, машинарскы, лодярскы, радиоелектронны, автомонтажны, текстилны, потравиновы. Продукция цѣмента, переробка аграрных продуктох, ремесла. В подгородѣ Александрии — лѣтны морскы купелѣ.
Наука и култура
Научно-выгледовны инштитуты океанографии и рыбарства, гидрологии. Универзита од року 1942. Музей греко-римской добы, што мать археологичну колекцию з Александрии и околиць, зберану од року 1892. Музей вытварного умѣлства (1952). Од року 1985 регуларный Меджинародный филмовый фестивал Середоморского региона.

• Reimer, Michael J. , Mackie, J. Alan and Rowlatt, Mary (10 Dec. 2020). Alexandria. Encyclopedia Britannica. https://www.britannica.com/place/Alexandria-Egypt. [перевірено 2020-02-13]. англ.
• Виноградова Н. В., Маринович Л. П. и др.: АЛЕКСАНДРИЯ //Большая российская энциклопедия. Том 1. Москва, 2005, стр. 451 [2] Верзия: 2016. Одчитане: 13.02.2021] русс.
• Egypt Statistics. https://www.capmas.gov.eg/Pages/populationClock.aspx. [перевірено 2021-02-13]. англ.