گیم آف تھرونز

ایہہ لڑیوار ویسٹیروس اتے ایسوس دے خیالی براعظماں دے اپر ہون والیاں مکھ واقعے تے مشتمل اے۔ گیم آف تھرونز دے بہت سارے چھوٹے پلاٹاں دے میل نال بنایا گیا اے پر ایہہ تن بنیادی کہانیاں دے آلے-دوآلے گھمدا اے۔ پہلی بنیادی کہانی ستّ سامراجاں دے آئرن تھرون دے دوآلے گھمدی اے اتے ایہہ پرمکھ ونشک پریواراں وچکار گٹھجوڑاں اتے مدبھیداں نوں بیان کردی اے۔ ایہناں وچوں کجھ پروار تخت لئی جدوجہد کر راے ہن اتے کجھ تخت توں آزادی لئی اپنی رننیتک لڑائی لڑ رہے ہن۔ دوجی بنیادی کہانی وچ اک سلطنت دی آخری اولاد دی جدوجہد نوں درسایا گیا اے جسدے پرکھیاں نوں راج توں لاہ کے بے دخل کر دتا گیا سی۔ تیجی بنیادی کہانی اک مڈھ توں چلے آ رہے آ رہے بھائیچارے اپر مرتکز اے جہڑا کہ سامراج نوں پرانے ویلے دے خطرناک لوکاں توں بچاؤن لئی لڑدا اے۔ ایہہ مردہ اتے خطرناک لوک دور اتر وچ رہندے ہن اتے ودھدی ٹھنڈھ نال ایہناں دا خطرہ سامراج اپر لگاتار ودھدا آ رہا اے۔

گیم آف تھرونز ایچ۔ بی۔ اے۔ ٹیلیوژن اپر مقبول ہویا اتے اسنوں چاہن والیاں دی گنتی دنیا وچ کروڑاں دی اے۔ اسنوں نقاداں ولوں اس وچلے پاتراں دی اداکاری، الجھے ہوئے کرداراں، کہانی اتے اساری وغیرہ دی بہت تعریف کیتی گئی اے۔ اس توں علاوہ اس وچ ورتے گئے ننگیز اتے ہنسا دی نکھیدھی وی کیتی گئی اے۔ اس لڑیوار نوں 38 پرائیمٹائیم ایمی ایوارڈ دتے جا چکے ہن۔ اس توں علاوہ اس لڑیوار نوں چار گولڈن گلوب ایوارڈاں (2012 اتے 2015 توں 2017 تک)لئی وی نامزد کیتا گیا اے۔

اس وچ شامل مکھ کرداراں وچوں اک پیٹر ڈنکلیج نوں دو وار پرائیمٹائیم ایمی ایوارڈاں (2011 اتے 2015) وچ نوازیا گیا گیا اے اتے اس توں علاوہ اسنوں اسدے رول ٹیریئن لینیسٹر لئی لڑیوار اتے ٹیوی فلم لئی گولڈن گلوب ایوارڈ (2012) دتا گیا سی۔ اس توں اولاوا لینا ہیڈی، ایمیلیا کلارک، کٹ ہیرنگٹن، میسی ولئمز، ڈیانا رگز اتے میکس وون سڈوو نوں وی اوہناں دی اداکاری لئی پرئیمٹائیم ایمی ایوارڈاں لئی نامزد کیتا گیا سی۔

حوالے