گیم آو ترونز (انگلیسی جه: Game of Thrones) یا اختصاراً گات (انگلیسی جه: GOT) اتا تِلویزونی سریال هسته آمریکا دله قرونوسطای ِفانتزی سبک جه بساته بیّه و ونه سازندهئون دیوید بنیوف و دی.بی.وایس بینه که وه ره اچبیاو شبکه وسّه بساتنه.
این مجموعهی داستان جورج آر. آر. مارتین ِاتا کتاب جه که ونه نوم یخ و تش ترانه بییه، په بساته بیّه.
سهتا داستان اتا خیالی دنیا دله موازی تعریف وانه که هِدی جه ربط دارنه ولی سیوا-سیوا تعریف وانّه. اتا داستان هفتاقلیمِ سامون شنه که پادشاهیون مختلف هِدی جه جنگ کفنّه و قدرت سَره اختلاف دارنه. این سامون دله چنتا گت-گتِ خاندان درنه که رقابت دارنه. اتا داستان دیگه هفتاقلیمِ شمالی سامون ره سِراق دنه؛ هفتاقلیمِ سامونسَر ره اتا دیفار بساتنه تا وحشی قبایل و خیالی موجوداتِ حمله دَم ره بَیره و اتسری اونجه پاسبون هستنه. اتا زنازاده بهنوم «جان اسنو» اتا گتِ خاندان جه داوطلبونه شونه شمال و ونه کاراکتر سَره دومین داستان چرخ گیرنه. سومین داستان اتا کیجا شنه که ونه پییر قدیم هفتاقلیم دله شاه بییه و اژدها داشته ولی وه ره بکاشتنه و ونه وچون تبعید دله گت بَینه. این کیجا چنتا اژدها-کاته همراهی خانه وَردَگِرده و شه پییری سامون ره دِباره فتح هاکنه.
این سریال دله خله جنسی صحنهئون و خشونت وجود دارنه.
This article uses material from the Wikipedia مَزِروني article گیم آو ترونز, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.