گرجھ

گرجھ پنچھیاں دی اک نسل اے جو کہ صفائی پنچھیاں دے گروہ نال متعلق ہن۔ اس نسل دیاں دو قسماں ہن- نوین گرجھاں اتے افریقہ دے میداناں اتے مردہ پسواں دیاں لاشاں نوں صاف کردے دکھن والے پنچھیاں سمیت پرانے گرجھاں۔ نوین گرجھ اتلے اتے دکھن امریکہ وچ پائے جاندے ہن۔ ایہناں وچ راجا گرجھ، کیلیفورنیائی گرجھ، ترکئی گرجھ اتے کالی امریکی گرجھ شامل ہن۔ پرانے گرجھ یورپ، افریقہ اتے ایشیا وچ پائے جاندے ہن۔ ایہناں وچ راجا گرجھ، کالا گرجھ، چٹی چنج والا گرجھ، گرفن گرجھ اتے صفائی گرجھ مکھ ہن۔ اس دا مطلب اے کہ آسٹریلیا اتے انٹارکٹیکا نوں چھڈکے گدھّ ایہناں دو گروہاں دے وچ، ہر براعظم وچ ملدے ہن۔

روپ ریکھا

ایہہ کتھئی اتے کالے رنگ دے بھاری قد دے پنچھی ہن، جہناں دی نظر بہت تیز ہندی اے۔ شکاری پنچھیاں دی طرحاں ایہناں دی چنج وی مڑی ہوئی اتے مضبوط ہندی اے پر ایہناں دے پنجے اتے نہوں اوہناں ورگے تیز اتے مضبوط نہیں ہندے۔ ایہہ جھنڈاں وچ رہن والے مرداکھور پنچھی ہن۔ ایہہ کوئی وی گندی اتے گھناؤنی چیز کھا لیندے ہن۔ ایہہ مردہ لاشاں دی صفائی کر کے روگ نہیں پھیلن دندے۔

ایہہ کسے اچے درخت اتے اپنا بھدا جیہا آلھنا بناؤندے ہن، جس وچ مادہ اک جاں دو سفید آنڈے دندی اے۔ بھارت وچ گرجھاں دیاں چار نسلاں ملدیاں ہن، بھارتی گدھّ (جپس انڈیکس)، لمی چنج والی گرجھ (جپس ٹینیئروٹرس، لال سر والی گرجھ (سارکوجپس کیلوس) اتے بنگالی گرجھ (جپس بنگالینسس)۔

بوہتیاں گرجھاں دی اک عامَ خاصیت، عامَ کھنبھاں توں بغیر گنجا سر اے۔ اس نال ماس کھاندے ویلے سر صاف رکھن وچ مدد ملدی اے۔ کھوج توں پتہ چلدا اے کہ ننگی چمڑی ٹمپریچرریگلیشن (وویمن) وچ اک اہم کردار نبھا سکدی اے۔

حوالے

گدھاں دیاں ونڈاں

• گرفون گدھ
• ھندستانی چٹی کنڈ آلی گدھ
• مصری گدھ
• رتے سر آلی گدھ
• سنرس گدھ
• ہمالیائی گدھ
• پتلی چنج آلی گدھ
• ھندستانی گدھ
• لیمرگائر
• چٹسرا گدھ
• نوبیائی گدھ
• شائی گدھ
• کیپ گدھ
• کیلیفورنیا کونڈور
• ترکی گدھ
• کالا گدھ
• چٹمگرا گدھ
• وڈا بسنتی سرا گدھ
• نکا بسنتی سرا گدھ
• رپل گدھ
• پام گدھ

بارلے جوڑ