وینس
وینس ، ایڈریاٹک دی ملکہ ، پانیاں دا شہر ، پلاں دا شہر ، روشنیاں دا شہر ، دے ناں توں جانیا جان والا ، دنیا دے خوبصورت ترین شہراں چوں اک ، اٹلی دا شہر اے ۔ اطالوی زبان چ اسنوں وینیزیا آکھیا جاندا اے ۔ ایہہ ملک دے شمالی علاقے وینیتو دا صدرمقام اے تے اٹلی چ اسنوں کمونے دا درجہ وی دتا ہوئیا اے جسدے زیر انتظام 24 کمونے نیں ۔
وینس شہر دی آبادی 2004ء چ 2 لکھ 71 ہزار سی تے اسدا رقبہ 412 مربعیلومیٹر اے ۔ بادوغہ دے نال شہر نوں بادوغہ وینس میٹروپولٹن علاقے چ شامل کیتا جاندا اے ۔ اسدی کل آبادی 16 لکھ بندی اے ۔
تریخ
تریخی دستاویزات دی عدم موجودگی دی وجہ توں شہر دی ابتدا دے متعلق کجھ وی یعقین نال نئیں کہیا جا سکدا ۔ پر دستیاب معلومات دی روشنی چ تریخ دان متفق نیں کہ شہر دی آبادکاری رومی سلطنت دے مختلف شہراں چوں بے دخل کیتے گئے لوکاں نال ہوئی ۔ اینہاں شہراں چ بادوغہ ، اکوئلہ تے کونکوردیا [موجودہ پورتو گوروآرو] وغیرہ دے ناں لئے جا سکدے نیں جتھے دے لوک بربریاں دے حملیاں دی وجہ توں بے دخل ہوئے سن ۔
تہذیب و تمدن
وینس دا شمار 16ویں صدی دے یورپ دے مشہور ترین موسیقی دے مرکزاں ہندا سی ۔ جتھے آدریان ولائرت تے اوہناں ورگے کئی دوجے موسیقاراں نے وینیشن پولکرول طرز دی موسیقی مرتب کیتی ۔ وینس دا شمار اوہناں شہراں چ ہندا اے جتھوں موسیقی دے تحریری کم دا آغاز ہوئیا تے اسدی وجہ توں یورپ دے کئی علاقیاں خاص طور تے فرانس تے فلانڈرز توں موسیقار وینس ول کھیچدے چلے آئے ۔
This article uses material from the Wikipedia شاہ مکھی پنجابی (Shāhmukhī Pañjābī) article وینس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.