منگول ناں منگولیا ، چین تے روس چ وسن آلے اک یاں کئی نسلی گروہاں لئی ورتا جاندا اے ۔
منگول دی محدود تعریف چ صرف منگولیا دے علاقے چ رہن آلے لوکاں نوں لیا جا سکدا اے ۔ پر اک وسیع تعریف چ منگولاں چ اوہ سارے لوکاں نوں شامل کیتا جاناد اے جہڑے منگول بولیاں بولدے نیں ، جداں چڑھدے یورپ دے کلمیک ۔
ناں منگول پہلی وار چین دی تانگ سلطنت دیاں دستاویزاں چ شویئی دے قبیلے دے طور تے 8ویں صدی عیسوی چ آیا ، پر ایہہ دوبارہ خیتان حکومت چ 11ویں صدی عیسوی چ مڑ جانن چ آیا ۔ 1125ء چ لیاؤ سلطنت دے ڈگن مگروں منگول گیاہستان دا وڈا تے آگو قبیلہ بن گیا ۔ پر اینہاں دیاں جن سلطنت تے تاتاریاں نال لڑائیاں نے اینہاں نوں بوہت کمزور کر دتا ۔ 13ویں صدی عیسوی چ منگول تے ترک قبیلےآں چنگیز خان دی اگوائی چ متحد ہوئے ۔
چینی تریخی دستاویزاں موجب منگولاں دے آباؤ اجداد ڈونگو سن ، جہڑا چڑھدے منگولیا تے منچوریا دا اک خانہ بدوش وفاق سی ۔
منگول 13ویں صدی عیسوی دے شروع چ چنگیز خان دی قیادت چ منگولیا توں اٹھے تے ایشیاء تے یورپ چ چھا گئے ۔ سبتوں پہلے اینہاں نے خوارزم شاہی سلطنت تے مل ماریا تے بعد چ ایران ، اناطولیہ ، قفقاز دے علاقےآں تے قابض ہوگئے ، منگول جدھر وی گئے اودو تباہی تے بربادی کردے گئے ۔
This article uses material from the Wikipedia شاہ مکھی پنجابی (Shāhmukhī Pañjābī) article منگول, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.