ਆਕਸਫੋਰਡ-ਐਸਟਰਾਜ਼ੇਨੇਕਾ ਕੋਵਿਡ-19 ਵੈਕਸੀਨ, ਜਿਸਦਾ ਕੋਡਨੇਮ AZD1222, ਹੈ, ਅਤੇ ਕੋਵੀਸ਼ੀਲਡ ਅਤੇ ਵੈਕਸਵੇਰੀਆ ਬ੍ਰਾਂਡ ਨਾਮ ਹੇਠ ਵੇਚਿਆ ਜਾਂਦਾ ਹੈ, ਕੋਵਿਡ-19 ਦੀ ਰੋਕਥਾਮ ਲਈ ਇੱਕ ਵਾਇਰਲ ਵੈਕਟਰ ਟੀਕਾ (ਵੈਕਸੀਨ) ਹੈ।ਆਕਸਫੋਰਡ ਯੂਨੀਵਰਸਿਟੀ ਅਤੇ ਐਸਟਰਾਜ਼ੇਨੇਕਾ ਦੁਆਰਾ ਵਿਕਸਤ ਕੀਤੀ ਗਈ ਇਹ ਵੈਕਸੀਨ, ਅੰਤਰ-ਮਾਸਪੇਸ਼ੀ ਟੀਕੇ ਦੁਆਰਾ ਦਿੱਤੀ ਜਾਂਦੀ ਹੈ, ਅਤੇ ਇੱਕ ਵੈਕਟਰ ਦੇ ਤੌਰ ਤੇ ਸੋਧੇ ਹੋਏ ਚਿਮਪਾਂਜ਼ੀ ਅਡੇਨੋਵਾਇਰਸ ਸੀਐਚਏਡੌਕਸਦੇ ਰੂਪ ਦੀ ਵਰਤੋਂ ਕਰਦੀ ਹੈ।
ਆਕਸਫੋਰਡ-ਐਸਟਰਾਜ਼ੇਨੇਕਾ ਕੋਵਿਡ-19 ਟੀਕੇ ਦੀ ਵਰਤੋਂ ਸਾਰਸ-ਕੋਵ-2 ਵਾਇਰਸ ਦੁਆਰਾ ਲਾਗ ਤੋਂ ਸੁਰੱਖਿਆ ਪ੍ਰਦਾਨ ਕਰਨ ਲਈ ਕੀਤੀ ਜਾਂਦੀ ਹੈ ਤਾਂ ਜੋ 18 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਬਾਲਗਾਂ ਵਿੱਚ ਕੋਵਿਡ-19 ਦੀ ਰੋਕਥਾਮ ਕੀਤੀ ਜਾ ਸਕੇ। ਦਵਾਈ ਨੂੰ 0.5 ਮਿ.ਲੀ. (0.017 US fl oz) ਦੀਆਂ ਦੋ ਖੁਰਾਕਾਂ ਦੁਆਰਾ ਦਿੱਤਾ ਜਾਂਦਾ ਹੈ ਜੋ ਅੰਤਰ-ਮਾਸਪੇਸ਼ੀ ਦੇ ਟੀਕੇ ਦੁਆਰਾ ਡੈਲਟੋਇਡ ਮਾਸਪੇਸ਼ੀ (ਬਾਂਹ ਦਾ ਉੱਪਰਲਾ ਭਾਗ) ਵਿੱਚ ਦਿੱਤੀਆਂ ਜਾਂਦੀਆਂ ਹਨ। ਸ਼ੁਰੂਆਤੀ ਕੋਰਸ ਵਿੱਚ ਦੋ ਖੁਰਾਕਾਂ ਹੁੰਦੀਆਂ ਹਨ ਜਿੰਨ੍ਹਾਂ ਵਿੱਚ ਖੁਰਾਕਾਂ ਵਿਚਕਾਰ 4 ਤੋਂ 12 ਹਫਤਿਆਂ ਦਾ ਅੰਤਰਾਲ ਹੁੰਦਾ ਹੈ। ਵਿਸ਼ਵ ਸਿਹਤ ਸੰਗਠਨ (WHO) ਸਰਵੋਤਮ ਅਸਰਦਾਇਕਤਾ ਵਾਸਤੇ ਖੁਰਾਕਾਂ ਵਿਚਕਾਰ 8 ਤੋਂ 12 ਹਫਤਿਆਂ ਦੇ ਅੰਤਰਾਲ ਦੀ ਸਿਫਾਰਸ਼ ਕਰਦਾ ਹੈ
ਫਰਵਰੀ 2021 ਤੱਕ, AZD1222 ਡਵੈਲਪਮੈਂਟ ਟੀਮ ਨਵੇਂ ਸਾਰਸ-ਕੋਵ -2 ਰੂਪਾਂ ਦੇ ਸਬੰਧ ਵਿੱਚ ਵਧੇਰੇ ਅਸਰਦਾਰ ਹੋਣ ਲਈ ਵੈਕਸੀਨ ਨੂੰ ਅਨੁਕੂਲ ਬਣਾਉਣ ਲਈ ਕੰਮ ਕਰ ਰਹੀ ਹੈ; ਸਪਾਈਕ ਪ੍ਰੋਟੀਨ ਦੇ ਆਣੁਵਾਂਸ਼ਿਕ ਕ੍ਰਮ ਨੂੰ ਬਦਲਣ ਦੀ ਮੁਕਾਬਲਤਨ ਤੇਜ਼ ਪ੍ਰਕਿਰਿਆ ਹੋਣ ਕਰਕੇ ਵੈਕਸੀਨ ਨੂੰ ਮੁੜ-ਡਿਜ਼ਾਈਨ ਕੀਤਾ ਗਿਆ। ਆਮ ਲੋਕਾਂ ਵਿਚ ਅਨੁਕੂਲਿਤ ਵੈਕਸੀਨ ਦੇ ਉਪਲਬਧ ਹੋਣ ਤੋਂ ਪਹਿਲਾਂ ਨਿਰਮਾਣ ਸਥਾਪਨਾ ਅਤੇ ਇੱਕ ਛੋਟੇ ਪੈਮਾਨੇ ਦੇ ਅਜ਼ਮਾਇਸ਼ ਦੀ ਵੀ ਲੋੜ ਹੁੰਦੀ ਹੈ।
This article uses material from the Wikipedia ਪੰਜਾਬੀ article ਆਕਸਫੋਰਡ-ਐਸਟਰਾਜ਼ੇਨੇਕਾ ਕੋਵਿਡ-19 ਵੈਕਸੀਨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ਇਹ ਸਮੱਗਰੀ CC BY-SA 4.0 ਹੇਠ ਮੌਜੂਦ ਹੈ। ਅਜਿਹਾ ਨਾ ਹੋਣ ਉੱਤੇ ਵਿਸ਼ੇਸ਼ ਤੌਰ ਉੱਤੇ ਦੱਸਿਆ ਜਾਵੇਗਾ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ਪੰਜਾਬੀ (DUHOCTRUNGQUOC.VN) is an independent company and has no affiliation with Wiki Foundation.