ଗନ୍ତାୟତ ଶିବପ୍ରସାଦ

ଶିବ ପ୍ରସାଦଙ୍କ ଜନ୍ମ ରାୟଗଡ଼ା ସହରରେ ୧୫ ଡିସେମ୍ବର ୧୯୬୯ ମସିହାରେ ହୋଇଥିଲା । ସେ ରାୟଗଡା LIC ଶାଖା କାର୍ଯ୍ୟାଳୟରେ ଉଚ୍ଚ ଶ୍ରେଣୀ ସହାୟକ ଭାବେ କାର୍ଯ୍ୟରତ ଥିଲେ । ଶାରିରୀକ ଭିନ୍ନକ୍ଷମତା ତାଙ୍କୁ ତାଙ୍କ ସାହିତ୍ୟ ସାଧନା ପଥରେ ଅନ୍ତରାୟ ସୃଷ୍ଟି କରିପାରି ନ ଥିଲା । କମ ବୟସରେ ଶିବ ପ୍ରସାଦଙ୍କ ତିରୋଧାନ ହେତୁ ତାଙ୍କ ସୁସାହିତ୍ୟିକ ଭାଇ ସତ୍ୟନାରାୟଣ ଗନ୍ତାୟତ ଅଦ୍ୟାପି ଶିବପ୍ରସାଦଙ୍କ କୃତିଗୁଡିକୁ ବହି ଆକାରରେ ପ୍ରକାଶ କରି ଏହି ପ୍ରତିଭାଙ୍କୁ ଲୋକଲୋଚନକୁ ଆଣିବା ପାଇଁ ତାଙ୍କ ଉଦ୍ୟମ ଜାରି ରଖିଛନ୍ତି । ରାୟଗଡରେ ଜନ୍ମିତ ଏହି ସାହିତ୍ୟିକ ତାଙ୍କର ଅନ୍ୟାନ୍ୟ ଲେଖା ସହିତ 'ଭିତିରି କଥା', 'ଫମ୍ୟ ରଚନା', 'ବ୍ୟଙ୍ଗ ବଜାର', 'ମନ୍ତ୍ରୀ ଦୁହିତାଙ୍କ ସୟମ୍ବର', 'ବେଙ୍ଗରଡି' ଭଳି ବ୍ୟଙ୍ଗ ରଚନା ପାଠକୀୟ ଆଦୃତି ଲାଭ କରିଛି । ଅନେକ ଘାତ ପ୍ରତିଘାତ ମଧ୍ୟରେ ବଞ୍ଚିଥିବା ଶିବପ୍ରସାଦ ନିଜର ଶାଣିତ ବ୍ୟଙ୍ଗ ଓ ରମ୍ୟରଚନା ମାଧ୍ୟମରେ ଓଡ଼ିଆ ସାହିତ୍ୟରେ ଏକ ସ୍ୱତନ୍ତ୍ର ସ୍ଥାନ ହାସଲ କରିଯାଇଛନ୍ତି ।

ସ୍ୱଳ୍ପ ଜୀବନ କାଳ ମଧ୍ୟରେ ସେ ସାହିତ୍ୟର ବିଭିନ୍ନ ଦିଗରେ ନିଜର କୃତି ସୃଷ୍ଟି କରିଥିଲେ ବି ବ୍ୟଙ୍ଗ ସାହିତ୍ୟରେ ତାଙ୍କର ଲେଖନୀ ସୁଦୃଢ ଥିଲା ବୋଲି କୁହାଯାଏ । ରମ୍ୟ ରଚନା ବ୍ୟତୀତ ତାଙ୍କର କିଛି ଗଳ୍ପ ସଂକଳନ ଓ କବିତା ସଂକଳନ ମଧ୍ୟ ପ୍ରକାଶ ପାଇଛି ।ଅନେକ ପ୍ରତିଷ୍ଠିତ ଓ ପରିଚିତ ଅନୁଷ୍ଠାନଦ୍ୱାରା ସମ୍ବର୍ଦ୍ଧିତ ଏବଂ ବ୍ୟଙ୍ଗଶ୍ରୀ ଓ ରସରାଜ ଆଦି ଉପାଧିପ୍ରାପ୍ତ ଶିବପ୍ରସାଦଙ୍କ ସମସ୍ତ ଲେଖା ବିଭିନ୍ନ ବର୍ଗର ପାଠକମାନଙ୍କୁ ଆମୋଦିତ କରିଆସିଛି। ଶିବପ୍ରସାଦଙ୍କ ପ୍ରକାଶିତ ଗ୍ରନ୍ଥ ମଧ୍ୟରେ ‘ଭିତିରି କଥା’, ‘ବଛା ବଛା ହାସ୍ୟ ବ୍ୟଙ୍ଗ’, ‘ଫମ୍ୟ ରଚନା’ ଓ ‘ଏହିପରି କିଛିକଥା’ ଇତ୍ୟାଦି।

ରମ୍ୟ ରଚନା

1. ଭିତିରି କଥା (ରମ୍ୟ ରଚନା ସଂକଲନ)- ୧୯୯୮ (ଫ୍ରେଣ୍ଡସ୍ ପବ୍ଳିଶର୍ସ, କଟକ)
2. ଫମ୍ୟ ରଚନା (ରମ୍ୟ ରଚନା ସଂକଲନ)- ୧୯୯୯ (ଫ୍ରେଣ୍ଡସ୍ ପବ୍ଳିଶର୍ସ, କଟକ)
3. ଭିତିରି କଥା (ରମ୍ୟରଚନା ସଂକଳନ) - ୧୯୯୮ । ଫ୍ରେଣ୍ଡସ ପବ୍ଲିଶର୍ସ, କଟକ
4. ଫମ୍ୟରଚନା (ରମ୍ୟରଚନା ସଂକଳନ) - ୧୯୯୯ । ଫ୍ରେଣ୍ଡସ୍ ପବ୍ଲିଶର୍ସ, କଟକ
5. ବ୍ୟଙ୍ଗ ବଜାର (ବ୍ୟଙ୍ଗ ସଂକଳନ) - ୨୦୦୧ ଫ୍ରେଣ୍ଡସ ପବ୍ଲିଶର୍ସ, କଟକ ।
6. ମନ୍ତ୍ରୀ ଦୁହିତାଙ୍କ ସ୍ୱୟମ୍ବର (ବ୍ୟଙ୍ଗ ଗଳ୍ପ ସଂକଳନ) - ୨୦୦୨ ସୁଧା ପ୍ରକାଶନ, କଟକ ।
7. ଏହିପରି କେତେ କଥା (ବ୍ୟଙ୍ଗ ଉପନ୍ୟାସ) - ୨୦୦୪ ପ୍ରାଚୀ ସାହିତ୍ୟ ପ୍ରତିଷ୍ଠାନ, କଟକ ।
8. ହସାବଳୀ (ହସକଥା ସଂଗ୍ରହ) - ୨୦୦୪ ପ୍ରତୀଚୀ ପ୍ରକାଶନ, ବ୍ରହ୍ମପୁର
9. ବେଙ୍ଗ ରଡ଼ି (ବ୍ୟଙ୍ଗ କବିତା ସଂକଳନ) - ୨୦୦୪ ଫ୍ରେଣ୍ଡସ୍ ପବ୍ଲିଶର୍ସ, କଟକ ।
10. ହାସ୍ୟବ୍ୟଙ୍ଗ ଆଖଡ଼ା (ହାସ୍ୟ ବ୍ୟଙ୍ଗ ସଂକଳନ) - ୨୦୦୭ ଓଡ଼ିଶା ବୁକ୍ ଷ୍ଟୋର, କଟକ ।
11. ରଙ୍ଗାରଙ୍ଗ ବ୍ୟଙ୍ଗ (ବ୍ୟଙ୍ଗ ସଂକଳନ) - ୨୦୧୦ ଫେସ ପବ୍ଲିଶର୍ସ, କଟକ
12. ସୌନ୍ଦର୍ଯ୍ୟର କିଣାବିକା ଓ ଅନ୍ୟାନ୍ୟ ବ୍ୟଙ୍ଗ (ଅନୁଦିତ)- ୨୦୧୦ସାଇନାଥ, ଭୁବନେଶ୍ୱର
13. ପଲିଟିସର ମହିମା (ନିର୍ବାଚିତ ବ୍ୟଙ୍ଗ) - ୨୦୧୧ସାଇନାଥ ଭୁବନେଶ୍ୱର
14. ଲେଖକକୁ ପାଗଳ କଲା କିଏ ? (ହାସ୍ୟବ୍ୟଙ୍ଗ ସଂକଳନ) - ୨୦୧୨ ପ୍ରାଚୀ ସାହିତ୍ୟ ପ୍ରତିଷ୍ଠାନ, କଟକ
15. ବଛା ବଛା ହାସ୍ୟ ବ୍ୟଙ୍ଗ (ନିର୍ବାଚିତ ହାସ୍ୟବ୍ୟଙ୍ଗ) - ୨୦ ୧୩ । ଟାଇମପାସ୍, ଭୁବନେଶ୍ୱର
16. ରମ୍ୟରସାୟନ (ରମ୍ୟ ରଚନା ସଂକଳନ) - ୨୦୧୫ ଅଗ୍ରଦୂତ, ବାଙ୍କାବଜାର, କଟକ
17. ଷଣ୍ଢର ସଂସାର ଚିନ୍ତା ( ହାସ୍ୟବ୍ୟଙ୍ଗ ସଂକଳନ) - ୨୦୧୮ପଶ୍ଚିମା ପବ୍ଲିକେଶସସ୍, ଭୁବନେଶ୍ୱର

ଗଳ୍ପ ସଂକଳନ

1. ବୟସ୍କ ବସନ୍ତର ସକାଳ (ଗଳ୍ପ ସଂକଳନ)-୨୦୦୦ (ପ୍ରତୀଚୀ ପ୍ରକାଶନ, ବ୍ରହ୍ମପୁର)
2. ବୟସ୍କ ବସନ୍ତର ସକାଳ (ଗଳ୍ପ ସଂକଳନ) - ୨୦୦୦ ପ୍ରତୀଚୀ ପ୍ରକାଶନ, ବ୍ରହ୍ମପୁର
3. କଥାକୁହା ହୃଦୟ ଓ ଅନ୍ୟାନ୍ୟ ଗପ (ଅନୁଦିତ) – ୨୦୧୦ ସାଇନାଥ, ଭୁବନେଶ୍ୱର
4. ସାନସାନ କଥାମାନ (ଗପ) - ୨୦୧୯ ତୀରତରଙ୍ଗ ପ୍ରକାଶନ,ଭୁବନେଶ୍ୱର

କବିତା ସଂକଳନ

1. ଗୋପନେ ସାଇତା ଗୀତ (ଗୀତି କବିତା ସଂକଳନ) - ୨୦୧୧ସାଇନାଥ, ଭୁବନେଶ୍ୱର
2. ଚଉରା ଓ ଅନ୍ୟାନ୍ୟ କବିତା (କବିତା ସଂକଳନ) - ୨୦୧୪ ସାଇନାଥ, ଭୁବନେଶ୍ୱର
3. God and other poems..English translation of Odia poetry collection entitled ଚଉରା ଓ ଅନ୍ୟାନ୍ୟ କବିତା -2020 PENIn Books, Bhubaneswar

ସେ ତାଙ୍କର ବ୍ୟଙ୍ଗାତ୍ମକ ସୃଜନ ନିମନ୍ତେ ବ୍ୟଙ୍ଗଶ୍ରୀ ଓ ରସରାଜ ଭଳି ଉପାଧୀ ସମେତ ଫକୀରମୋହନ ସାହିତ୍ୟ ପରିଷଦ, ବାଲେଶ୍ୱର ପ୍ରଦତ୍ତ ହାଜୀ ଅସରଡ ଅଲ୍ଲୀ ଉଦୟ ପ୍ରତିଭା ପୁରସ୍କାର ଓ ପ୍ରଜାତନ୍ତ୍ର ବିଷୁବ ମିଳନରେ ପ୍ରଦତ୍ତ ରାଜୀବ ସ୍ମାରକୀ ଲଳିତ ନିବନ୍ଧ ପୁରସ୍କାରରେ ସମ୍ମାନିତ ହୋଇଛନ୍ତି । ସ୍ୱର୍ଗତ ଗନ୍ତାୟତ ଶିବପ୍ରସାଦଙ୍କ ସ୍ମୃତିରେ ବ୍ୟଙ୍ଗକବି ଡ.କୁଳାଙ୍ଗାରଙ୍କୁ ୨୦୧୭ ମସିହାରେ ସମ୍ମାନିତ କରାଯାଇଛି ।