Tenzing Norgay

Dins leis ans 1930, foguèt engatjat coma portaire per tres expedicions britanicas assaiant d'agantar la cima dau Mont Everest. Bòn alpinista, venguèt una figura dei temptativas d'ascension de la montanha e obtenguèt lo recòrd d'altitud en 1952 amb lo Soís Raymond Lambert (8 600 m). L'an seguent, foguèt donc recrutat per la mission menada per John Hunt e formèt una còla d'ascension amb Edmund Hillary. Après la revirada de Tom Bourdillon e de Chris Evans, lei dos alpinistas venguèron lei premiereis òmes a agantar la cima de l'Everest lo 29 de mai de 1953. Après aqueu succès, Norgay venguèt fòrça famós en Nepal e en Índia. Nomat director deis operacions per l'Institut Imalaian de Darjeeling, fondèt una companhiá, la Tensing Norgay Adventures, que prepausa de treks dins la region.

• Edmund Hillary.
• Mont Everest.