Las Spice Girls (Las Dròllas Especiadas) es un grop de pop anglés format en 1994 a Londres (Anglatèrra).
Aquel grop de dròllas es compausat a l'origina de cinc cantairas e dançairas, Geri Halliwell, Victoria Beckham, Melanie Chisholm, Melanie Brown e Emma Bunton.
Manejadas per Simon Fuller, las cinc dròllas signan un primièr contracte ambe Virgin Recòrds en 1995 e enregistran lor primièr simple, Wannabe, que sortís l'annada seguenta. Aqueste titol, l'una de las mai gròssas capitadas popularas de l'annada 1996 en Occitània tanben, se classa en cap de las vendas dins mai de trenta sèt païses. Se vend a sèt milions d'exemplars, fasent de las Spice Girls un vertadièr fenomèn de societat dins la segonda mitat de las annadas 1990.
Pr'amor que l'una de las caracteristicas de las Spice Girls es d'aver promogut gràcias a lor popularitat una volontat d'afirmacion de l'emancipacion femenina (lo "Girl power") : aital, Las Dròllas Especiadas (las qu'an de personalitat) son vengudas d'icònas del feminisme.
En mai de 1998, Geri Halliwell quita lo grop. Las Spice Girls contunhan alavetz a quatre, e publican en 2000 un tresen album : Forever.
En 2001, las quatre dròllas restantas de las Spice Girls se separan a lor torn. Pasmens, ocasionalament, lo grop se reforma integralament (e mai ambe Geri Halliwell), en 2007, en 2012, en 2018...
This article uses material from the Wikipedia Occitan article Spice Girls, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.