Iperligam
Un iperligam, ligam ipertèxte o ligam, es una referéncia dins un sistèma ipertèxte que permet de passar automaticament del document consultat a un autre document.
Foguèt inventat per Ted Nelson en 1965 dins l’encastre del projècte Xanadu. Dempuèi las annadas 1990, los iperligams son notadament emplegats dins lo World Wide Web per permetre lo passatge d'una pagina web a una autra.
Lo ligam a una font (o origina) e una destinacion (o cibla). L'activacion de l'element font d'un iperligam permet d’arribar automaticament a sa destinacion.
La font d’un iperligam es generalament un element (mot, frasa, imatge) d'un document ipertèxte. La destinacion pòt èsser un autre element del meteis document, se sona un iperligam intèrne. La destinacion pòt tanben èsser un autre document o un element especific d'un autre document. D’unes sistèmas ipertèxtes garantisson pas que la destinacion existís: en aqueste cas, pòdon seguir de iperligams que son dits romputs o mòrts.
Referéncias
This article uses material from the Wikipedia Occitan article Iperligam, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.