Lo part es una lenga iraniana atudada que foguèt parlada en Partia e que foguèt la lenga oficiala de l'Empèri Part.
Classificacion lingüistica | Part (lenga) |
---|---|
Còdis lingüistics | |
ISO 639-3 | xpr |
Glottolog | part1239 |
IETF | xpr |
Lo part es una lenga iraniana del nòrd-oèst qu'es donc pas diractament aparentada a las autras lengas iranianas mejanas conegudas en Asia Centrala e en Turkestan, lo sogdian, bactrian, lo khotanés e lo khwarezmian.
Lo part es atestat dins los tres primièrs sègles après Crist, dins l'empèri Part. Pasmens los tèxtes son rares, qu'aquela epòca l'elita parta contiunhèt a utilizar lo grèc, lenga ereretada dels seleucidas.
Pasmens la màger part dels testimònis de la lenga que nos son parvenguts venon de Turkestan Oriental. Al començament del sègle XX, fòrça manuscrits maniquèus en part foguèron trobats per las expedicions alemandas, britanicas, puèi francesas, japonesas e russas dins los oasis del Turkestan, subretot a Torfan.
L'exploracion dels sites arqueologics del Turkestan metèt al jorn fòrça manuscrits dins fòrça lengas, lo chinés, lo pèrsa mejan, lo sogdian, lo khotanés.
Al temps de la conquista araba que metèt fin a l'Empèri Sassanida, lo part aviá cessat d'èsser parlat, almens dins los centras urbans, e èra remplaçat per lo pèrsa mejan. La « lista des pòbles » sogdiana del sègle IX menciona pas de pòble part.
This article uses material from the Wikipedia Occitan article Part (lenga), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.