Emily Dickinson

Quasi desconeguda de son vivent, es uei considerada coma una autritz majora de la literatura estatsunidenca.

Après aver estudiar durant sa jovença a l'académia d'Amherst e au seminari femenin dau Mont Holyoke, s'entornèt dins sa familha onte menèt una vida reclausa. Entretenguèt pasmens una correspondéncia amb d'amics e escriguèt 1 800 poèmas, sovent brèus, inspirats per son educacion calvinista e victoriana, sa paur de la mòrt e son crèire en la predetestinacion. Son estil èra inspirat per lo lirisme e lo laconisme e capable de mesclar d'aspècte opausat coma lo concrèt e l'abstrach.

Son òbra literària foguèt descubèrta après sa mòrt. Son premier recuelh foguèt publicat en 1890 mai lo contengut dei tèxtes èra estat modificat per respectar lei règlas de publicacion dau periòde. Foguèt necessari d'esperar 1955 per veire la publicacion dau premier recuelh complèx. Aquò compliquèt l'analisi dei poèmas d'Emily Dickinson e la portada de son trabalh apareguèt lentament.

• Poesia.