Chichén Itzá es una ciutat maia dau nòrd de Yucatan.
Fondada durant lo sègle VIII, foguèt pas abandonada a l'eissida dau Periòde Classic. Vèrs lo sègle X, de migracions toltècas influencièron fòrça la vila que venguèt un centre politic e religiós major fins au sègle XII. Per de rasons desconegudas, lo declin de la ciutat comencèt vèrs 1200 e la dinastia au poder la quitèt vèrs 1250 per s'installar a Mayapan que venguèt lo centre principau de la civilizacion maia fins a 1448. A l'arribada deis Espanhòus, lo site èra encara conegut e lei conquistadors assaièron d'i installar sa capitala. Pasmens, mau capitèron e l'endrech foguèt abandonat fins a de missions d'exploracion organizadas a la fin dau sègle XIX.
L'istòria de la ciutat es encara mau coneguda, especialament lei causas de l'installacion d'una importanta populacion toltèca. La natura d'aquela arribada (migracions, guèrra ?) es tanben l'objècte de debats. Dins aquò, dempuei sa restauracion, l'endrech es vengut un luòc toristic fòrça important qu'es sovent utilizat coma simbòl de la civilizacion maia en causa de la conservacion excepcionala de sei vestigis.
This article uses material from the Wikipedia Occitan article Chichén Itzá, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.