Dùu

Ch'est l'usage de le noumaer itou le Signeu (lat. Dominus) coume âotefeis i sé fesait aplaer Adonaï pa l's Hébreus.

Dans les touos vièrs temps, quand les gens prînmitifs né comprannaient pon la natuthe, i' louangeaient les forches dé natuthe: l'ôrage, la mé, la tèrre, lé solé, la leune... Châque sujet d'la vie dévthait êt' gouvèrné par un dgieu, et les problièmes - la sic'rèche, les tempêtes, les trembliéments d'tèrre... - 'taient êmoûtchis par du hèrtchîn entre les dgieux. Des sacrifices f'thaient pliaîsi ès dgieux.

Les grandes èrligions d'un seul dgieu (Judaisme, Chrêtchienneté, Islam et Sikhisme étout) craient qu'Dgieu est lé c'menchement dé tout et Tout-Piêssant. La Chrêtchienneté toutefais crait qu'Dgieu s'mouontre en trais pèrsonnes - la Trinneté - mais chenna n'veurt pon dithe qu'i' y'a trais dgieux.

Dùu s'est fait counaîte coume dùu unique à Abrahame, et l's Hébreus sount dévenuns sen peuplle. Ampraés l's avaer faire sorti d'Égypte, en leus fesaunt crouési la Rouoge Mé, i les amenit en Terre prominse.

Ch'est l'enreit ioù qùi s'incarnit en Jésus-Chrît, qùi feut naé à Béthléème, et qùi mouorit sus la Croués.

Les Musulmans le noument Allah.

 

Les Hîndous craient qu'i' y'a un tas d'dgieux et d'déêsses - mais ch'est à comprendre en génétha qu'i' n'y'a qu'un pouver divîn et qu'toutes les pèrsonnalités sont d's expressions d'chu pouver. Mais dans la r'ligion populaithe ch'est pustôt les difféthentes pèrsonnalités des dgieux et lus aventuthes tch'attrioquent lé monde ès templ'yes.

Les dgieux des Grècs 'taient preunmiéthement des dgieux prînmitifs d'la tèrre, d'la mé, des giants tch'avaient des bastaudes et avaient à êt' apaîsis par des sacrifices. La philosophie rempliaichit l'vièr système par un panthéon patèrnel: y'avait un grand dgieu piêssant, Zéus, épis eune racachie d'dgieux mains piêssants. Ches dgieux r'présentaient les sentiments et la vie - l'amour, la dgèrre, la sagesse, la mûsique, lé vîn...

• Aphrodité
• Apollon
• Pan
• Dgeuch
• Atchéna

 

Lé panthéon Romain r'prannit les dgieux Grècs.

• Jupitèr
• Vênus
• Mèrtchure
• Mars
• Vultchain
• Minèrve
• Cérès
• Junon
• Nepteune
• Pliuton

 

Dans la mythologie Norrouaise, y'avait des dgieux tchi d'meuthaienten Asgard, l'travèrs dé l'ar Bifröst.

• Odîn
• Thor, lé dgieu d'l'ôrage
• Loki
• Baldr
• Freyr
• Tyr
• Heimdal

 

Chut articlle-chin est eune chouqùette à abyinaer - Si vos avaez de qùei à ajouôtaer, vos pouvaez l'amendaer !