You Belong In Rock N' Roll

«You Belong in Rock n' Roll» er ein song av Tin Machine, gjeven ut på Tin Machine II i august 1991. Songen vart skriven av David Bowie og Reeves Gabrels og var den første singelen dei gav ut på Victory Records, som vart distribuert av London Records i Storbritannia.

Songen vart spelt inn i 1989 etter den første turneen til Tin Machin, og Gabrels brukte eitt år på å mikse og legge til fleire lydspor på songen, inspirert av Nine Inch Nails-albumet Pretty Hate Machine (1989). Gabrels sa at «You Belong in Rock n' Roll» i hovudsak starta «som ein bass-song. Eg ønskte å leggje nokre industrielle greier inn der.» Gabrels prøvde å bruke ein elektrisk barbermaskin for å påverke lyden på gitaren sin or songen, men enda opp med å bruke ein vibrerande dildo han kjøpte på ein lokal sex-butikk.

Singelen vart lansert med mykje marknadsføring, mellom anna ei framsyning på Top of the Pops, der Gabrels valde å spele gitar med eit rundstykke, og Wogan, der bandet igjen mima, og denne gongen spelte Gabrels på gitaren med dildoen. David Bowie såg ut til å vere synleg lei småpratinga til programleiaren. Singelen nådde 33. plassen på den britiske singellista, som var skuffande. Det vart likevel den største hitsingelen til Tin Machine.

7"-versjon

1. «You Belong in Rock 'n' Roll» (Bowie, Gabrels) – 3:33
2. «Amlapura» (indonesisk versjon) (Bowie, Gabrels) – 3:49

12"/CD-versjon 1

1. «You Belong in Rock n' Roll» (lang versjon) (Bowie, Gabrels) – 6:32
2. «You Belong in Rock n' Roll» (LP-versjon) (Bowie, Gabrels) – 4:07
3. «Amlapura» (indonesisk versjon) (Bowie, Gabrels) – 3:49
4. «Shakin' All Over» (Live) (Kidd) – 2:49

CD-versjon 2

1. «You Belong in Rock n' Roll» (Bowie, Gabrels) – 3:33
2. «Amlapura» (indonesisk versjon) (Bowie, Gabrels) – 3:49
3. «Stateside» (H. Sales) – 5:38
4. «Hammerhead» (Bowie, H. Sales) – 3:15

Produsentar

• Tin Machine
• Tim Palmer

Musikarar

• David Bowie – vokal, gitar, saksofon
• Reeves Gabrels – sologitar
• Hunt Sales – trommer, vokal
• Tony Sales – bass, vokal
• Kevin Armstrong – rytmegitar

• Eit konsertopptak vart spelt inn under It's My Life-turneen i 1991 og gjeven ut på konsertalbumet Tin Machine Live: Oy Vey, Baby i 1992.