Yossef «Yossi» Beilin, hebr.
juni">12. juni 1948), er ein israelsk politikar. Han er med i det israelske parlamentet Knesset, og er tidlegare viseutanriksminister og justisminister frå det israelske arbeidarpartiet, Avoda. Han er no leiar i det venstresosialdemokratiske partiet Meretz-Yachad. Beilin er mest namngjeten for medverknaden i Osloavtalen, Geneveavtalen og den israelsk-palestinske fredsprosessen generelt.
Yossi Beilin | |
Statsborgarskap | Israel |
Fødd | 12. juni 1948 (75 år) Petah Tikva |
Yrke | politikar, universitetslærar, journalist, kommentator |
Språk | engelsk, fransk, arabisk, hebraisk |
Politisk parti | Meretz-Yachad, Det israelske arbeidarpartiet |
Nettstad | http://www.beilin.org.il/ |
Yossi Beilin på Commons |
Mestedelen av Beilin si politiske karriere har vore som politikar i Avoda, men i 2003 vart han skuva langt nedover på lista til dette partiet på grunn av dei venstreorienterte standpunkta sine. Saman med Yael Dayan gjekk han ut av Avoda og slutta seg til venstrepartiet Meretz, som han no leier under namnet Meretz-Yachad (Kraft-Saman; Det israelske sosialdemokratiske partiet).
Medverknaden i fredsprosessen er til no høgdepunktet i karrieren hans. Støtta av Shimon Peres, gjekk Beilin inn i løynde forhandlingar i 1992 som leidde til Osloavtalen i 1993. Saman med Mahmoud Abbas, ein annan arkitekt for avtalen, skreiv han i 1995 under «Beilin-Abu Mazen-semja», med retningslinjer for ei permanent løysing på konflikten. I 1992-1995 leidde han den israelske delegasjonen ved fredsforhandlingane. I 2001 deltok han i «Taba-samtalane» og det initiativet han no er mest namngjeten for, Geneveavtalen med Yasser Abd Rabbo.
Beilin blir ikkje rekna som sosialist, men han slutta seg likevel til det hovudsakleg sosialistiske Meretz. Det at han vann over Meretz-politikaren Ran Cohen i leiarvalet, kan sjåast som eit teikn på at det å få i gang att fredsprosessen av mange i partiet blir sett som endå viktigare enn dei sosiale spørsmåla.
Kjelde: Engelskspråkleg wikipedia; [1]
This article uses material from the Wikipedia Nynorsk article Yossi Beilin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.