Ufa: By i Russland

Ufa Уфа
Bilete av Ufa av Sergej Prokudin-Gorskij mellom 1905 og 1915.
Flagget til Ufa Byvåpenet til Ufa
Plassering
Styresmakter
Land	Russland
Føderasjonssubjekt	Basjkortostan
Grunnlagd	1574
Borgarmeister	Pavel Katsjkajev
Geografi
Flatevidd  - By	754 km²
Innbyggjarar  - Totalt (2005)    - folketettleik	1 036 000   1 374 /km²
Koordinatar	54°44′N 55°58′E / 54.733°N 55.967°E / 54.733; 55.967
Høgd over havet	150 moh.
Tidssone - Ved sommartid	YEKT(UTC+5) YEKST (UTC+6)
Diverse annan informasjon
Postnummer	450xxx
Retningsnummer (tlf)	(+7)347
Bilnummer	02, 102
Nettstad: www.ufacity.info

Ufa er eit av industrisentra i dei vestlege Uralfjella og ligg der elvane Belaja og Ufa renn saman. Av industriar i byen finst produksjon av elektrisk utstyr og gruveutstyr, oljeraffineri, petrokjemikalar, syntetisk gummi og prosessert mat. Ufa lufthamn har samband til fleire byar i Russland, og til Armenia, Aserbajdsjan, Tyskland, Tyrkia og Usbekistan. Det ligg òg ein mindre flyplass, Ufa Maksimovka lufthamn, nordaust for byen.

Av utdanningsinstitusjonar finn ein mellom anna Basjkir statsuniversitet.

Byen voks opp rundt ei festning bygd etter ordre frå Ivan IV i 1574 og hadde opphavleg namn etter åsen festninga stod på, Tura-Tau. Byen vart etter kvart kalla «Ufa», som tyder 'liten' på tyrkisk, av dei lokale innbyggjarane og namnet vart verande. I 1802 vart Ufa hovudstaden i Basjkira.

I 1918 var Ufa residens for den provisoriske allrussiske regjeringa.

Av kjende innbyggjarar frå Ufa finn ein mellom anna dansaren Rudolf Nurejev, ishockeyspelarane Andrej Ziuzin, Alexander Semak og Igor Kravtsjuk, rockesongarane Zemfira og Juri Sjevtsjuk, som er frontmann i DDT, og økonomen Elvira Nabiullina, som vart sentralbanksjef i Russland i 2013.

  Commons har multimedium som gjeld: Ufa

• Offisiell nettstad Arkivert 2013-07-10 ved Wayback Machine.
• Ufa på kart over Russland (russisk)