Torill Kove: Norsk-kanadisk filmskapar og barnebokforfattar

mai">25. mai 1958 på Hamar) er ein prisvinnande norsk-kanadisk animasjonsfilmskapar og barnebokforfattar som sidan 1980-talet har vore busett i Montreal i provinsen Québec i Canada. I 2007 vann ho ein Oscar-pris for kortfilmen Den danske dikteren (2006).

Torill Kove
Statsborgarskap	Canada, Noreg
Fødd	25. mai 1958 (65 år) Hamar kommune
Yrke	animatør, filmregissør, illustratør, manusforfattar, barnebokforfattar, regissør
Torill Kove på Commons

Kove flytta til Canada i 1982 for å halde fram utdanninga si i byplanlegging i Canada. Etter ei stund bestemte ho seg å skifte studium, og byrja i staden å studere animasjon ved Concordiauniversitetet i Montreal. Ho har laga fleire filmar, skrive og illustrert barnebøker og skrive kortfilmmanus. Ho har mellom anna illustrert bøkene om Johannes Jensen, som er skrivne av Henrik Hovland.

Med unntak av den Den danske dikteren er ho mest kjend for kortfilmen og barneboka Min bestemor strøk kongens skjorter, som blei produsert med støtte frå den kanadiske statens National Film Board of Canada og Noreg sitt Studio Magica i Oslo. Filmen blei nominert til Oscar for beste aminerte kortfilm i 1999. Han er ein elleve minuttar lang film om filmskaparen si eiga bestemor, som i eit langt liv strauk skjortene til kong Haakon VII. Filmen fortel på sin måte om monarkiet i Noreg, om korleis nordmennene fann seg ein ny konge i 1905, og om den andre verdskrigen. Då starta bestemora nemleg motstandsrørsla Skjortegeriljaen, etter at ho mista jobben som kongen sin skjortestrykar og måtte byrje å stryke fienden sine uniformer.

I februar 2007 vann Kove Canadas Prix Genie Award i kategorien for beste animerte kortfilm Den danske dikteren. Under den 79. Oscar-utdelinga seinare same månad vann ho sin første Oscar i kategorien «beste animerte kortfilm» for same film. Som Min bestemor strøk kongens skjorter blei Den danske dikteren produsert med støtte frå National Film Board of Canada og Mikrofilm AS i Noreg.

• Min bestemor strøk kongens skjorter – barnebok

• Den danske dikteren:
  • Oscar-vinner (2007), beste animerte kortfilm
  • Canadas Prix Genie Award, nominasjon i kategorien for beste animerte kortfilm
  • Amandaprisen-nominasjon for beste kortfilm

• Min bestemor strøk kongens skjorter:
  • Amandaprisen for Beste norske kinofilm, 2000
  • Short Film Award, Würzburg International Filmweekend, 2000
  • Special Recognition, Zagreb World Festival of Animated Films, 2000

• Nominasjonar for Min bestemor strøk kongens skjorter:
  • Oscar; Animated Short Film 1999.
  • Children's Jury Award; Short Film or Video - Animation, Chicago International Children's Film Festival, 2000
  • Best Animation Film; International Competition, Dresden Film Festival, 2000
  • Jutra (Québec, Canada); Best Animated Film, Jutra Awards, 2000
  • Short Film, Montréal World Film Festival (Quebec, Canada), 1999

• http://www.gd.no/kultur/article2541121.ece
• http://www.emb-norway.ca/culture/film/torilkove.htm
• http://www.cbc.ca/news/story/2007/01/23/danish-poet.html
• http://www.onf.ca/webextension/thedanishpoet/index.php?lg=en Arkivert 2007-09-27 ved Wayback Machine.
• http://www.onf.ca/webextension/thedanishpoet/team.php?id=0 Arkivert 2007-09-30 ved Wayback Machine.
• http://www.nfb.ca/webextension/oscars/current.php?lg=en