Symfoni Nr. 25 Av Mozart

25 i G-moll, K. 183/173dB, var skriven av Wolfgang Amadeus Mozart i oktober 1773, kort tid etter suksessen med hans opera seria Lucio Silla. Han vart visstnok skriven ferdig den 5. oktober, berre to dagar etter at Symfoni nr. 24 var ferdig, men dette er ikkje stadfesta. Symfonien er godt kjend som opningsmusikken til Miloš Forman-filmen Amadeus.

Symfonien er lagt ut i standard klassisk form:

1. Allegro con brio, 4/4 i G-moll
2. Andante, 2/4 i Ess-dur
3. Menuett & Trio, 3/4 i G-moll, Trio i G-dur
4. Allegro, 4/4 i G-moll

Med dei hoppande melodilinjene og livlege musikalske tema, er denne symfonien karakteristisk for Sturm und Drang-stilen. Han deler visse trekk med andre Sturm und Drang-symfoniar frå denne tida, og er truleg inspirert av Joseph Haydn sin Symfoni nr. 39, som òg er i G-moll.

Mannheim-opninga (ein stigande sekvens spelt i arpeggio) vart sitert av Beethoven i hans første pianosonate som hovudtemaet i den første satsen.

• Sinfonie in g KV 183 (173dB): partitur og kritisk rapport (tysk) i Neue Mozart-Ausgabe
• Symphony No. 25: Fritt tilgjengelege notar på International Music Score Library Project.
• Fritt tilgjengelege notar av Symfoni nr. 25 av Mozart på Mutopia-prosjektet (the Allegro con brio movement)
• Fritt tilgjengelege notar av Symfoni nr. 25 av Mozart på Mutopia-prosjektet (the Andante movement)