Spjelkavik Idrettslag er eit idrettslag heimehøyrande i bydelen Spjelkavik i Ålesund kommune.
Laget vart stifta 18. mars 1932 og har ikring 900 medlemer. Spjelkavik IL er aktivt med i fotball, handball, skiidrett (alpine greiner og skihopping). Lagspelarane i Spjelkavik spelar i heilraude drakter.
Spelkavik IL har dei seinare åra særleg vort markert gjennom dei alpine skirennarane Lene, Nina og Mona Løseth og Sebastian Solevåg.
Spjelkavik IL sitt fotballag har med få unnatak spelt lokalfotball på nivå fire og fem i det nasjonale seriesystemet.
Kring 1990 var Spjelkavik IL det beste kvinne-fotballaget i Møre og Romsdal og deltok i 1992-sesongen i den norske toppserien, utan noko lukke. To av spelarane på Spjelkavik-laget, Ann Kristin Aarønes og Merete Myklebust, debuterte på Noregs landslag i høvesvis 1990 og 1993. Kvinnelaget til Spjelkavik IL vart lagt ned i 1995 og spelarane danna Fotballklubben Fortuna.
This article uses material from the Wikipedia Nynorsk article Spjelkavik Idrettslag, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.