Spica (Vir, α Virginis, Alfa Virginis) er den mest lyssterke stjerna i stjernebiletet Jomfrua, og den 15.
mest lyssterke stjerna på nattehimmelen. Ho er ei blå kjempe og ei variabel stjerne av Beta Cephei-typen, 250 ± 10 lysår frå jorda.
Observasjonsdata Epoke J2000 Ekvinoks J2000 | |
---|---|
Stjernebilete | Jomfrua |
Rektascensjon | 13h 25m 11.5793s |
Deklinasjon | −11° 09′ 40.759″ |
Tilsynelatande storleiksklasse (V) | +1.04 |
Karakteristikk | |
Spektralklasse | B1 III-IV/B2 V |
U−B fargeindeks | −0.94 |
B−V fargeindeks | −0.24 |
Variabel type | β Cep, Rotating ellipsoid |
Astrometri | |
Radialsnøggleik (Rv) | +1.0 km/s |
Parallakse (π) | 12.44 ± 0.86 mas |
Avstand | 260 ± 20 ly (80 ± 6 pc) |
Absolutt storleiksklasse (MV) | −3.55 (−3.5/−1.5) |
Bane | |
Eksentrisitet (e) | 0.067 ± 0.014 |
Inklinasjon (i) | 54 ± 6° |
Perihel epoke (T) | 2440678.09 |
Perihelargument (ω) (sekundær) | 140 ± 10° |
Detaljar | |
Primær | |
Masse | 10.25 ± 0.68 M☉ |
Radius | 7.40 ± 0.57 R☉ |
Luminositet | 12,100 L☉ |
Overflategravitasjon (log g) | 3.7 ± 0.1 cgs |
Temperatur | 22,400 K |
Rotasjonssnøggleik (v sin i) | 199 ± 5 km/s |
Sekundær | |
Masse | 6.97 ± 0.4 M☉ |
Radius | 3.64 ± 0.28 R☉ |
Luminositet | 1,500 L☉ |
Temperatur | 18,500 K |
Rotasjonssnøggleik (v sin i) | 87 ± 6 km/s |
Andre namn | |
Spica er ei tett dobbeltstjerne og dei to stjernene krinsar rundt kvarandre med ein periode på fire dagar. Dei ligg så tett at det ikkje er mogeleg å skilje dei frå kvarandre i eit teleskop.
Primærstjerna har spektralklasse B1 III-IV. Ho er halvvegs mellom ei subkjempe og ei kjempestjerne, og er ikkje lenger ei klasse B hovudseriestjerne. Dette er ei massiv stjerne so er ti gonger så massiv som sola og har ein diameter som er sju gonger så stor. Den samla lysstyrken til denne stjerna er kring 12 100 gonger så kraftig som sola. Primærstjerna er ei av dei nærmaste stjernene til sola som har nok masse til å ende som ein supernova.
Primærstjerna er ein Beta Cephei-type variabel stjerne med ein lysstyrke som varierer over ein 0,1738 dagar lang periode. Stjerna roterer raskt med ein rotasjonssnøggleik på 199 km/s langs ekvator.
Sekundærstjerna er ei av få stjerner som syner Struve–Sahade-effekten. Dette er ei uvanleg endring i styrken til spektrallinjene, der linjene vert svekka når stjerna flyttar seg bort frå observatøren. Dette kan kome av ein sterk stjernevind frå primærstjerna, som spreiar lyset frå den sekundære stjerna når ho flyttar seg bort. Denne stjerna er mindre enn primærstjerna, og er kring 7 gonger så massiv som sola og 3,6 gonger så stor radius. Spektralklassen hennar er B2 V, som gjer ho til ei hovudseriestjerne.
This article uses material from the Wikipedia Nynorsk article Spica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.