Qom-Provinsen

Han har ei flatevidd på 11 237 km², som dekkjer 0,89 % av heile landet. Provinsen ligg nord i landet og provinshovudstaden er byen Qom. Han vart skipa frå delar av Teheran-provinsen i 1995. I 2011 hadde provinsen 1,1 millionar innbyggjarar og av desse budde 95,2 % i urbane strøk og 4,8 % på landsbygda. Provinsen har berre ein by, men fire fylke, ni landdistrikt og 256 landsbyar.

Qom-provinsen
استان قم
Provins
Land	Iran
Region	Region 1
Fylke	1
Hovudstad	Qom
Areal	11 526 km²
Folketal	1 151 672  (2011)
Folketettleik	100 / km²
Tidssone	IRST (UTC+03:30)
- Sommartid	IRST (UTC+04:30)
Språk	persisk, aserbajdsjansk
Qom-provinsen 34°38′44″N 50°52′47″E / 34.6456°N 50.8798°E / 34.6456; 50.8798
Wiki Commons: Qom Province

Provinsen vart plassert i Region 1 i 2014.

Klimet i Qom-provinsen varierer mellom ørken- og halvørken-klima, og består av fjellområde, åsar og sletter. Sidan det ligg nær eit tørt område, og langt inne i landet, er klimaet tørt med låg luftfukt og lite nedbør. Jordbruk er derfor ikkje mogeleg i det meste av området, særskild nær saltsjøane. Det ligg to store saltsjøar i Qom-provinsen, nemleg Howz e Soltan, som ligg 36 km nord for Qom, og Namaksjøen, som ligg 80 km aust for Qom. Nesten ein femtedel av Namaksjøen ligg innafor Qom-provinsen.