Mortensrud Kyrkje: Kyrkje i Oslo
Mortensrud kyrkje er ei arbeidskyrkje frå 2002 i Søndre Nordstrand, Oslo kommune.
Ho er teikna av arkitektane Jan Olav Jensen og Børre Skodvin frå Jensen & Skodvin Arkitektkontor. Kunstnarleg koordinering var ved Kirkelig kulturverksted.
| Mortensrud kyrkje | |||
| Mortensrud kirke | |||
 Mortensrud kyrkje Foto: Erlend Bjørtvedt | |||
| Kyrkjesamfunn | Den norske kyrkja | ||
|---|---|---|---|
| Bispedøme | Oslo | ||
| Prosti | Søndre Aker | ||
| Sokn | Klemetsrud og Mortensrud | ||
| Fellesråd | Oslo | ||
| Type | Arbeidskyrkje | ||
| Arkitekt | Jensen & Skodvin v/Jan Olav Jensen | ||
| Material | Glas, stein, stål og tegl | ||
| Innvigd | 28. april 2002 | ||
| Kyrkjegard | Nei | ||
| Preikestol | I stål, formgjeve av interiørarkitekt Terje Hope | ||
| Døypefont | Stålramme med glasfat | ||
| Altartavle | Gunnar Torvund | ||
| Sitjeplassar | 550 | ||
Mortensrud kyrkje 59°50′48″N 10°49′56″E / 59.846677°N 10.832305°E | |||
| Wiki Commons: Mortensrud kirke | |||
Kyrkja står på ein skogkledd kolle med høge furuer rundt. Anlegget er samansett av to volum, kyrkje mot nord og forsamlingssenter i sør bundne saman med ein kyrkjebakke. Grunnplanet til bygget har ei langstrekt, rektangulær form med saltak over sjølve kyrkjerommet. I forlenging av kyrkjerommet kjem kyrkjetorget med flatt tak. Kyrkja har frittståande klokketårn i tre ved det sør-vestlege hjørnet. Kraftige murar i skifer framhevar fargane i landskapet samstundes med at dei store glasflatene reflekterer vegetasjonen og ljoset frå himmelen.
Kyrkja var kontroversiell i si tid, mellom anna fordi ein her tok i bruk langkyrkjeforma og fordi altaret ligg mot nord, og golvet har ei svak helling nedover mot altarpartiet.
Interiør og inventar
Kyrkjerommet har hovudskip med to sideskip og galleri. Golvet fylgjer terrenget og har eit svakt fall fram mot fondveggen ved altarpartiet. I betonggolvet ligg berget ope framme ved koret og bak delar av benkane.
Preikestolen er ein lesepult i stål og tre og er montert i berget framme ved koret. Altaret og altartavla er trukket litt mot aust. Altartavla dekkjer ein stor del av glaspanelet i fondveggen. Arkitekturen er prega av grå murar og svarte stålkonstruksjonar.
Arkitekturprisar
Mortensrud kyrkje og arkitektane har vunne ei rekkje arkitekturprisar, mellom anna Houens fonds diplom og Norsk Stålkonstruksjonspris.
Fotnotar
Litteratur
- Dahle, Einar; Havran, Jiri (2008). Kirker i Norge, bind 6: Modernismen. 1900-tallet. Oslo: ARFO. s. 268-277. ISBN 978-82-91399-12-6.
- Kirkebøe, M.C. (2007). Knut Are Tvedt og Øyvind Reisegg, red. Oslos kirker i gammel og ny tid (2 utg.). Oslo: Kunnskapsforlaget. s. 61-62. ISBN 978-82-573-1946-5.
- Tvedt, Knut Are, red. (2010). Oslo byleksikon (5 utg.). Oslo: Kunnskapsforlaget. s. 367. ISBN 978-82-573-1760-7.
Bakgrunnsstoff
- Kunsthistorie.com om kyrkja
- Archileaks om kyrkja Arkivert 2013-10-19 ved Wayback Machine.
- Mortensrud kyrkjelyd Arkivert 2013-10-18 ved Wayback Machine.
- Kyrkjesøk – Mortensrud kirke
This article uses material from the Wikipedia Nynorsk article Mortensrud kyrkje, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.