Mjølketann er eit omgrep som blir nytta om tennene i det første tannsettet hos menneske og andre pattedyr.
Alle pattedyr har såkalla difydont tannsett, det vil seie at ein skifter ut eit første tannsett (mjølketennene) til eit permanent tannsett som varar livet ut.
Mennesket har 20 mjølketenner; 8 fortenner, 4 hjørnetenner og 8 molarar (dei bakerste og kraftigaste jekslane). Tanndanninga og mesteparten av mineraliseringa går føre seg før fødselen. Ved 6-7 månaders alder kjem dei første fortennene fram og rundt 2 1/2 års alder har som regel alle mjølketennene kome.
Mjølketennene blir felde for å gi plass til det permanente tannsettet. Dette skjer som regel i perioden 6 til 10 års alder hos menneske. Det finst ulike ritual knytte til tannfellinga, til dømes tradisjonen med at «tannfea» erstattar den mista mjølketanna med eit pengestykke.
This article uses material from the Wikipedia Nynorsk article Mjølketann, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.