Meisterligaen 1993
Meisterligaen 1993 var den aller fyrste utgåva av den meste prestisjetunge turneringa for europeiske fotballklubbar; UEFA Champions League.
Turneringa kom i staden for Europacupen for serievinnarar. Serievinnarcupen, som den ofte vart kalla i Noreg, var ei rein utslagsturnering med cupkampar. Nydanninga Meisterligaen kombinerte derimot både cupspel og seriespel.
Meisterligafinalen
Den franske klubben Olympique Marseille vart den fyrste vinnaren av Meisterligaen då laget 26. mai 1993 slo italienske AC Milan med 1-0 på Olympiastadion i München. Midtstopparen Basile Boli vart matchvinnar i det 44. minutt.
Olympique Marseille: Fabien Barthez, Jocelyn Angloma, Basile Boli, Marcel Desailly, Éric Di Meco, Didier Deschamps, Franck Sauzée, Abédi Pelé, Jean-Jacques Eydelie, Alen Bokšić og Rudi Völler. Angloma og seinare Völler vart i 2. omgang bytta ut med Jean-Philippe Durand og Jean-Christophe Thomas.
Milan: Sebastiano Rossi, Mauro Tassotti, Alessandro Costacurta, Franco Baresi, Paolo Maldini, Gianluigi Lentini, Demetrio Albertini, Frank Rijkaard, Roberto Donadoni, Marco van Basten og Daniele Massaro. Jean-Pierre Papin tok Donadoni sin plass tidleg i 2. omgang og Stefano Eranio kom inn få minuttar før slutt då Basten gjekk ut.
Kjelder
This article uses material from the Wikipedia Nynorsk article Meisterligaen 1993, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.