Marathariket

På sitt største omfatta riket størsteparten av det indiske subkontinentet og hadde eit areal på over 2,8 million km². Riket var styrt av marathitalanda hinduar frå Vest-India, og avløyste det muslimske mogulherredømet. Grunnleggjaren Shivadji er ein viktig indisk og hinduisk nasjonalhelt. Riket tapte seinare makt og territorium til det afghanske Durraniriket og til Det britiske austindiakompaniet. «Maratha» er nemninga på ein vestindisk kaste, men kan også visa til marathitalarar.

Marāthā sāmrājya मराठा साम्राज्य
← 1674–1820 →
Flagg
Territorium under Marathakontroll i 1760, markert med gult, utan vassalstatar.
Hovudstad	Raigad, deretter Pune
Språk	Marathi og mange andre
Religion	Hinduistiske retninger og mange andre.
Styreform	Monarki
Historie
- Oppretta	21. april 1674
- Opphøyrde	21. september 1820
Valuta	Hon, rupi, paisa og mohor

Marathariket oppstod på 1600-talet då Shivaji gjorde opprør mot stormogulen Aurangzeb. Riket utvida seg kraftig etter at Aurangzeb døydde i 1707, men tapte seinare Panjab til Durraniriket i det tredje slaget ved Panipat. Seinare blei riket delt opp i mindre marathastatar (av dette Marathaforbundet), som deretter tapte mot britane i dei tre anglo-maratha-krigane, der britane annekterte stadig meir av marathaområda. Tre av marathastatane overlevde som britiske vasallstatar fram til dei blei innlemma i sjølvstendige India i 1947–1948.

Riket kom til å bli dominert av fem familiar: Peshwa frå Pune, som hadde det arvelege førsteministerembetet, Bhonsle, famlien til Shivaji, Scindia frå Gwalior i noverande Madhya Pradesh, Holkar frå Indore i Madhya Pradesh og Gaekwad frå Baroda i noverande Gujarat og Maharashtra.

Kongehus

Bhonsle

• Tsjhatrapati Shivadji (1630–1680)
• Tsjhatrapati Sambhaji (1657–1689)
• Tsjhatrapati Radjaram (1670–1700)
• Dronning Tarabai
• Tsjhatrapati Sjahu
• Tsjhatrapati Ramaradja

Kolhapur

• Dronning Tarabai (styrte i namnet til sonen av Marathariket|Shivaji II)
• Tsjhatrapati Sambhadji
• Tsjhatrapati Sjahu IV

Peshwa

• Moropant Trimbak Pingle (1674–1683)
• Bahirodji Pingale (1708–1711)
• Baladji Visjwanath (1713–1720)
• Badjirao I (1720–1740)
• Balaji Badjirao
• Madhavrao Peshwa
• Narayanrao
• Raghunathrao
• Sawai Madhavrao
• Badjirao II
• Nana Sahib