MS «Christian IV» var eit skip eigd av Color Line, som trafikkerte rutene Oslo - Hirtshals (1991 - 1994), Kristiansand - Hirtshals (1994 - 2008) og Larvik - Hirtshals (2008).
Den 20. mai 2008 vart skipet seld til Stella Navis Russia som tok over skipet i byrjinga av av juli 2008. Med namnet «MS Julia» trafikkerte skipet Helsingfors — St. Petersburg fram til Stella Navis gjekk konkurs den 6. november 2008. Det er no den finske kreditoren Aktia Savings Bank som eig ferja som no er i opplag i Finland.
Restaurantar:
Underhaldning:
Shopping:
Skipet vart bygd som MS «Olau Britannia» av AG Weser Seebeckswerft, Bremerhaven, Tyskland i 1982 og levert til Olau Line Ltd same året. Skipet vart då sett i rute mellom engelske Sheerness og nederlandske Vlissingen saman med systerskipet «Olau Hollandia». I 1989 vart begge skipa seld, sidan Olau bygde to nye og større skip til den ruta. «Olau Britannia» vart seld til Fred. Olsen & Co medan systerskipet vart seld til Nordström & Thulin Ab. Den 21. mai 1990 hadde skipet sin siste overfart mellom Sheerness og Vlissingen og fortsette etter det til Hamburg.
Ved Blohm & Voss verftet i Hamburg fekk skipet nye fargar og vart døypt om til «Bayard». I juni 1990 vart skipet sett inn i rute mellom Kristiansand og Hirtshals i somarhalvåret og Oslo og Hirtshals i vinterhalvåret. Same året vart skipet seld til Color Line A/S.
Då skipet vart levert til Color Line i 1991, fekk skipet namnet «Christian IV» og sett i rute mellom Oslo og Hirtshals. I 1994 bytta skipet rute ettersom den nyare og større MS «Color Festival» skulle ta over ruta mellom Oslo-Hirtshals. «Christian IV» gjekk då tilbake til ruta Kristiansand - Hirtshals. I 1999 fekk skipet fleire restaurantar og større konferanserom ved Fredericiaverftet i Danmark. Skipet vart igjen bygd om ved Remontowaverftet i Gdansk, Polen i 2005. Den 13. mars 2008 vart «Christian IV» erstatta av den nye og større ferja MS «Superspeed 1», som høyrer til den nye Superspeed-klassen til Color Line. Sidan MS «Superspeed 2» vart forsinka, måtte MS «Christian IV» vikariere for MS «Peter Wessel» på ruta Larvik - Hirtshals fram til MS «Superspeed 2» kom i juni 2008.
This article uses material from the Wikipedia Nynorsk article MS «Christian IV», which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.