Kim Larsen: Dansk musikar

oktober">23. oktober 1945 i København, daud 30. september 2018) var ein dansk songar, songskrivar, gitarist, forfattar og skodespelar med lærarbakgrunn.

Kim Larsen
Fødd	23. oktober 1945
Fødestad	København
Død	30. september 2018 (72 år)
Dødsstad	Odense
Fødenamn	Kim Melius Flyvholm Larsen
Opphav	Kongeriket Danmark
Aktiv	1969–2018
Sjanger	rock, pop, folkemusikk, vise
Instrument	vokal
Verka som	musikar, songar, skribent, skodespelar, stemmeskodespelar, låtskrivar
Gift med	Liselotte Kløvborg Larsen
Born	Hjalmer Larsen, Sylvester, Lui Larsen

Larsen var son Eva Flyvholm Olsen og læraren Alfred Larsen. Familien stamma frå Fyn, og Kim vart døypt i Valgmenighedskirken i Kerteminde, der morfaren hans var degn. Kim hadde òg ein eldre bror, Tore. Ekteskapet til foreldra varte til Kim var omtrent fem år gammal. Då forlét foreldra kvarandre. Mora tok med seg ungane og flytta inn i ei lita leilegheit i Mågevej i København. Seinare byrja Kim på Frederikssundsvejens Skole.

Som tolvåring byrja han å spela piano, og på fjortenårsdagen fekk han sin første gitar. Forbileta hans på den tida var artistar som Elvis Presley, Little Richard, Jerry Lee Lewis og Cliff Richard, i tillegg til The Beatles.

Kim Larsen studerte ved Frederiksberg seminarium og arbeidde i åra 1968 og 69 som lærar ved Gerbrandskolen på Amager ved København. Etter kvart bestemte han seg for å verta musikar på heiltid, og danna saman med Franz Beckerlee, Wili Jönsson og Bjørn Uglebjerg rockegruppa Gasolin'. Uglebjerg forlét gruppa og vart erstatta av Søren Berlev i 1971, før Gasolin' gav ut det første albumet sitt.